iPhone 16 સિરીઝ લૉન્ચ કર્યા પછી તરત જ Appleએ કેટલાક જૂના મૉડલની કિંમતોમાં ઘટાડો કર્યો હતો. હવે કંપનીએ વધુ એક મોટો નિર્ણય લીધો છે. એપલે હવે કેટલાક જૂના iPhone મોડલનું ઉત્પાદન બંધ કરવાનો અને તેને બજારમાંથી હટાવવાનો નિર્ણય લીધો છે. કંપની પોતાની ઓફિશિયલ વેબસાઈટ પરથી પણ આ iPhones હટાવી દેશે. Appleનો આ નિર્ણય તે iPhone લવર્સ માટે મોટો ઝટકો છે જેઓ કિંમતમાં ઘટાડો થયા બાદ ઓછી કિંમતે iPhone ખરીદવાનું વિચારી રહ્યા હતા.
તમને જણાવી દઈએ કે iPhone 16 સિરીઝના લોન્ચિંગ પછી કંપનીએ iPhone 15 pro, iPhone 15 Pro Max તેમજ iPhone 13 બંધ કરી દીધા છે. આ પછી, તમે Appleની વેબસાઇટ પરથી ફક્ત iPhone 14, iPhone 14 Plus, iPhone 15, iPhone 15 Plus, iPhone 16 અને iPhone 16 Pro ખરીદી શકો છો.
વેબસાઈટ પરથી જૂના iPhone હટાવી દેવામાં આવ્યા
એપલ લાંબા સમયથી આ ટ્રેન્ડને ફોલો કરી રહ્યું છે કે જ્યારે પણ નવો iPhone લૉન્ચ થાય છે, ત્યારે તે જૂના મૉડલને બંધ કરી દે છે. જ્યારે કંપનીએ બજારમાં iPhone 15 રજૂ કર્યો, ત્યારે iPhone 14 Pro અને iPhone 14 Pro Max બંધ થઈ ગયા. હવે જ્યારે iPhone 16 સિરીઝ ઉપલબ્ધ છે, ત્યારે ફરી એકવાર જૂના મોડલ્સને વેબસાઇટ પરથી હટાવી દેવામાં આવ્યા છે.
જો કે, કંપનીએ એક મોટી રાહત આપી છે કે જે iPhones ને વેબસાઈટ પરથી હટાવી દેવામાં આવ્યા છે તેમાં હજુ પણ સર્વિસ, સિક્યોરિટી અપડેટ્સ સાથે OS અપડેટ્સ મળશે. બંધ હોવા છતાં તમને વર્ષો સુધી આ ફોન પર અપડેટ્સ મળતા રહેશે.
અહીંથી ખરીદવાની તક
તમને જણાવી દઈએ કે એપલે પોતાની વેબસાઈટ પરથી જે મોડલ્સ હટાવ્યા છે તે હજુ પણ ઓફલાઈન માર્કેટ તેમજ ઓનલાઈન માર્કેટમાં ઉપલબ્ધ રહેશે. તમે આઇફોન 13 અને આઇફોન 14 સીરીઝ પર ઓફલાઇન અને ઓનલાઈન બંને પર ભારે ડિસ્કાઉન્ટ મેળવી શકો છો. તમને જણાવી દઈએ કે ઈ-કોમર્સ પ્લેટફોર્મ ફ્લિપકાર્ટ અને એમેઝોન હાલમાં ગ્રાહકોને iPhones પર ભારે ડિસ્કાઉન્ટ આપી રહ્યા છે. તમે ખૂબ જ શાનદાર કિંમતે આઈફોન ખરીદી શકો છો. બેંક ઓફરનો લાભ પણ તમને મળશે.
iPhone નું આ મૉડલ સૌથી વધુ વેચાયું, ખરીદવા માટે દુનિયાભરમાં લોકોની પડાપડી