Apple iPhone 14 Launch: Apple Watch અને AirPods બાદ લોન્ચ થયો iPhone 14
કંપની Apple Watch Series 8, Apple Watch Pro અને AirPods Pro 2 પણ લોન્ચ કરશે
iPhone 14 Plusની કિંમત 899 ડોલરથી શરૂ થશે. આ માટે 9 સપ્ટેમ્બરથી પ્રી-ઓર્ડર બુકિંગ કરાવી શકાશે. પ્લસ મોડલનું વેચાણ આવતા મહિને 16 ઓક્ટોબરથી શરૂ થશે.
iPhone 14માં 48 મેગાપિક્સલનો કેમેરો આપવામાં આવ્યો છે. જો કે કેમેરા સેટઅપ જુનો લાગે છે, પરંતુ આ વખતે પણ કંપનીએ કેમેરામાં ઘણો સુધારો કર્યો છે. કેમ કે કેમેરા સેન્સર નવા છે. Appleનું કહેવું છે કે લો લાઇટ કેપ્ચરમાં પણ 49 ટકા સુધારો કરવામાં આવ્યો છે. આમાં રિયર કેમેરા અલ્ટ્રા-વાઇડ છે. ફ્રન્ટ કેમેરામાં 38 ટકા સારું લો લાઇટ પરફોર્મન્સ અને ઓટોફોકસ હોવાનો દાવો કરવામાં આવી રહ્યો છે.
આ વખતે કંપનીએ iPhone 14 સાથે સિમ કાર્ડ સ્લોટ હટાવી દીધો છે. જો કે આ માત્ર અમેરિકા માટે જ હશે, ભારતીય મોડલમાં સિમ કાર્ડ સ્લોટ આપી શકે છે. iPhone 14 માત્ર E-SIM પર જ કામ કરશે.
Appleનો દાવો છે કે iPhone 14 ઝડપી છે. Apple iPhone 14 પાંચ કલર્સમાં મળશે. જેમાં મિડનાઇટ, સ્ટારલાઇટ, બ્લુ, પર્પલ અને રેડનો સમાવેશ થાય છે.
Appleનું કહેવું છે કે iPhone 14 અને iPhone 14 Plus iPhoneમાં શ્રેષ્ઠ બેટરી લાઇફ ઓફર કરે છે પરંતુ, પ્રથમ વખત પ્રોસેસર એ જ રહેશે. બંને ગયા વર્ષની A15 બાયોનિક ચિપ પર ચાલે છે. આ પહેલીવાર છે જ્યારે Appleએ iPhoneમાં ચિપને રિસાયકલ કરી હોય. iPhone 14માં A15 Bionic ચિપસેટ આપવામાં આવી છે. આ જ પ્રોસેસર iPhone 13માં પણ આપવામાં આવ્યું છે, જોકે કંપનીનું કહેવું છે કે આ પ્રોસેસરમાં ઘણા સુધારા કરવામાં આવ્યા છે. આ સ્માર્ટફોનમાં 12 મેગાપિક્સલનો કેમેરો છે.
ટિમ કુકે Apple AirPods લોન્ચ કર્યા હતા. તેમની ડિઝાઇનમાં કોઈ નોંધપાત્ર ફેરફાર નથી. Apple AirPods Pro દેખાવમાં જૂના એરપોડ્સ જેવા જ છે.
Apple Watch Series 8 ના GPS વર્ઝનની કિંમત 399 ડોલર અને સેલ્યુલર વર્ઝનની કિંમત 499 ડોલરથી શરૂ થશે. આ વૉચ પ્રી-ઓર્ડર માટે ઉપલબ્ધ થશે, પરંતુ તેનું વેચાણ 16 સપ્ટેમ્બરથી શરૂ થશે.
Apple Watch Series 8 મિડનાઈટ સ્ટારલાઈટ, સિલ્વર અને પ્રોડક્ટ રેડ કલર ઓપ્શનમાં લોન્ચ કરવામાં આવી છે. Apple Watch Series 8 માં મોટી સ્ક્રીન આપવામાં આવી રહી છે, પરંતુ તેની ડિઝાઇન બેઝિક રાખવામાં આવી છે. યુઝર્સને તેમાં નવો વોચ ફેસ અને બ્રાઈટ સ્ક્રીન મળશે.
Apple ઈવેન્ટ કેલિફોર્નિયામાં Apple પાર્ક હેડક્વાર્ટરમાં શરૂ થઈ છે. આ દરમિયાન નવા iPhone મોડલ, Apple Watch અને નવા Apple earbuds લોન્ચ કરવામાં આવશે.
Apple Watch Series 8ની ડિઝાઇનમાં કોઈ મોટો ફેરફાર કરવામાં આવ્યો નથી. ડિઝાઇન જૂની છે, પરંતુ કેટલીક સુવિધાઓ ચોક્કસપણે નવી છે.
બ્રેકગ્રાઉન્ડ
Apple Event 2022 Live Updates: Apple પ્રેમીઓ માટે આખરે તે સમય આવી ગયો છે જ્યારે કંપની ભારતમાં iPhone 14 લૉન્ચ કરવા જઈ રહી છે. લોકો આ ફોનની આતુરતાથી રાહ જોઈ રહ્યા હતા. આ સાથે કંપની Apple Watch Series 8, Apple Watch Pro અને AirPods Pro 2 પણ લોન્ચ કરશે. લોન્ચિંગ ઇવેન્ટ કેલિફોર્નિયામાં છે, પરંતુ તે લગભગ તમામ સોશિયલ મીડિયા પ્લેટફોર્મ્સ પર લાઇવ સ્ટ્રીમ કરવામાં આવી રહી છે. અમે તમને આ લાઈવ બ્લોગ દ્વારા આ ઘટના વિશે માહિતી આપી રહ્યા છીએ.
- - - - - - - - - Advertisement - - - - - - - - -