નવી દિલ્હીઃ ભારતમાં ટેલિકૉમ કંપનીઓ પોતાના ટેરિફ વધાર્યા બાદ હવે ગ્રાહકોને આકર્ષવા માટે જુદાજુદા અને સસ્તાં પ્લાન માર્કેટમાં લૉન્ચ કરી રહી છે. આ લિસ્ટમાં વૉડાફોન -આઇડિયા હવે પાંચ નવા પ્લાન લઇને આવી છે, આ તમામ પ્લાન સસ્તાં રિચાર્જ સાથે વધુ બેનિફિટ્સ આપનારા છે. વૉડાફોના -આઇડિયાનાએ તાજેતરમાં જ પાંચ નવા પ્રીપેડ પ્લાન્સ લોન્ચ કર્યા છે. જ્યાં બે પ્લાન્સ ડેટા વાઉચર્સ છે, બાકી ત્રણ રિચાર્જ પ્લાન છે , આમાં ડેટા વાઉચર્સ 29 અને 39 રૂપિયા છે જ્યારે બાકી ત્રણ પ્લાન્સ 98, 195 રૂપિયા અને 319 રૂપિયા છે. જાણો આ નાના રિચાર્જમાં તમને શું શું મળે છે.
Vi નો 319 રૂપિયાનો પ્લાન
વૉડાફોન-આઇડિયાના આ 319 રૂપિયાવાળા પ્લાનની વેલિડિટી 31 દિવસની છે. આ પ્લાનમાં તમને દરરોજ 100 એમએસએસ, કોઇપણ નેટવર્ક પર અનલિમિટેડ વોઇસ કોલિંગ અને કુલ મળીને 2GB ડેટા આપવામાં આવે છે. આ પ્લાનમાં તમને 195 રૂપિયાવાળા પ્લાનની માફક વીઆઇ મૂવીઝ એન્ડ ટીવી એપનું સબ્સક્રિપ્શન આપવામાં આવશે. આ પ્લાન કંપનીના ખાસ બિંજ ઓલ નાઇટ, વીકેંડ ડેટા રોલોવર અને દર મહિને 2GB એકસ્ટ્રા બેકઅપ ડેટા બેનિફિટ્સ સાથે આવે છે.
Vi નો 195 રૂપિયાનો પ્લાન
Vi ના આ પ્લાનમાં તમને કુલ મળીને 2GB હાઇ-સ્પીડ ડેટા, કોઇપણ નેટવર્ક પર અનલિમિટેડ વોઇસ કોલિંગ અને કુલ 300 એસએમએસની સુવિધા આપવામાં આવે છે. આ પ્લાનની વેલિડિટી 31 દિવસની છે. અને તેમાં તમને વીઆઇ મૂવીઝ એન્ડ ટીવી એપનું સબ્સક્રિપ્શન પણ આપવામાં આવી રહ્યું છે.
Vi નો 98 રૂપિયાનો પ્લાન
વોડાફોન આઇડિયાના 98 રૂપિયાની કિંમતવાળા પ્લાનમાં તમને 15 દિવસની વેલિડિટી આપવામાં આવે છે. આ પ્લાનમાં તમને 200MB ઇન્ટરનેટ આપવામાં આવી રહ્યું છે અને સાથે કોઇપણ નેટવર્ક પર અનલિમિટેડ વોઇસ કોલિંગની સુવિધા પણ આપવામાં આવી રહી છે. આ પ્લાનમાં બીજા ઘણા બેનિફિટ સામેલ છે.