આ કંપનીઓએ એકબીજા સાથેની ટક્કર સાથે સાથે હવે જિઓમાર્ટ સાથે પણ ટક્કર લેવી પડશે. કેમકે જિયોમાર્ટે બજારમાં ઉતર્યા બાદ તાજેતરમાંજ 200 શહેરોમાં ગ્રૉસરી ડિલીવરી સર્વિસ શરૂ કરી દીધી છે. આ બન્ને સેલમાં ખાસ ડિસ્કાઉન્ટ, કેશબેક અને નવા લૉન્ચિંગ છે
કોરોના મહામારીને ધ્યાનમાં રાખતા આજથી શરૂ થઇ રહેલી સેલમાં હાઇજીન અને સેફ્ટીનુ ખાસ ધ્યાન રાખવામાં આવ્યુ છે. અમેઝોને આ માટે વર્ચ્યૂઅલ ઓપરેશન્સ રૂમ્સ બનાવ્યા છે. અમેઝોનના કર્મચારીઓ દેશના અલગ અલગ ભાગોમાંથી એકસાથે આ વર્ચ્યૂઅલ ઓપરેશન રૂમ્સમાંથી કામ કરશે. આ ઉપરાંત કંપનીએ ડિમાન્ડને પુરી કરવા માટે પોતાના પેકર્સ, સોર્ટ્સ અને ડિલીવરીમેનની આખી ટીમ તૈયાર કરી છે.
અમેઝોને આ સેલ માટે થોડાક સમયમાં જ 10 ફૂલફિલમેન્ટ સેન્ટર ખોલી દીધા છે. સાથે કંપનીએ 50 હજાર અસ્થાઇ કર્મચારીઓની ભરતી કરી છે. આની સાથે કંપની કન્ટેનમેન્ટ ઝૉન અને રેડ ઝૉન પર સતત નજર રાખી રહી છે, જેથી કોરોના સંક્રમણને લઇને સ્ટ્રેટેજીને બદલી શકાય.