WhatsApp Latest Update: ઇન્સ્ટન્ટ મેસેજિંગ એપ WhatsApp હવે એક મોટા ફિચર પર કામ કરી રહ્યું છે. રિપોર્ટ અનુસાર, WhatsApp એક એવું ફિચર લાવવા જઇ રહ્યું છે, જેના આવ્યા બાદ જો તમે ઇચ્છો તો વીડિયો કૉલ (Video Call) દરમિયાન પણ તમારો ચહેરો નહીં દેખાય, સીધા શબ્દોમાં કહીએ તો આ નવુ ફિચર આવ્યા બાદ વૉટ્સએપ વીડિયો કૉલમાં તમે ખુદની જગ્યાએ ખુદના અવતારનો પ્રયોગ કરી શકશો.
WABetaInfoના રિપોર્ટ અનુસાર, નવા અપડેટ બાદ વીડિયો કૉલ દરમિયાન યૂઝરને અવતારમાં સ્વિચ કરવાનો ઓપ્શન દેખાશે. અવતાર (Avtar) ને તૈયાર કરવા માટે એડિટર પણ આપવામાં આવશે. WABetaInfo એ બતાવ્યુ કે નવા ફિચરનુ ટેસ્ટિંગ એન્ડ્રોઇડના બીટા વર્ઝન પર થઇ રહ્યું છે. જો તમે એક બીટા યૂઝર છો તો તમે આ ફિચરનો અનુભવ કરી શકો છો.
iphone યૂઝર્સ છુપાઇને લેફ્ટ કરી શકશે ગૃપ -
એપલ (Apple) ના પાસે પહેલાથી જ મેમોજી છે, અને તે જ રીતે WhatsApp અવતારને રિલીઝ કરવાની તૈયારીમાં લાગ્યુ છે. એ પણ જાણી લો કે નવા અપડેટ બાદ તમે વીડિયો કૉલ દરમિયાન કોઇપણ સમયે પોતાનો અવતાર બદલી શકો છો. આ ઉપરાંત આઇઓએસ માટે વૉટ્સએપ એક વધુ ફિચર પર કામ કરી રહ્યું છે, જેના આવ્યા બાદ આઇફોનના યૂઝર્સ કોઇ ગૃપને ચોરીછુપે લેફ્ટ કરી શકશે, હાલમાં ગૃપ છોડવા પર તમામ મેમ્બરને એક નૉટિફિકેશન મળે છે, કે આ વ્યક્તિએ ગૃપને લેફ્ટ કરી દીધુ છે. પરંતુ નવા ફિચરના આવ્યા બાદ આ નૉટિફિકેશન નહીં મળે.
આ ઉપરાંત વૉટ્સએપ એક બીજા નવા ફિચર પર કામ કરી રહ્યું છે. જેના આવ્યા બાદ તમે ગૃપ કૉલમાં કોઇ મેમ્બરને મ્યૂટ કરી શકશો. આનો ફાયદો એ થશે કે ગૃપ કૉલ દરમિયાન જો તમે ખુદનુ માઇક બંધ કરવાનુ ભૂલી ગયા છો, તો એડમિને મેમ્બરને મ્યૂટ કરવાની સુવિધા હશે. આ રીતનુ ફિચર પહેલાથી જ ઝૂમ અને માઇક્રૉસૉફ્ટ ટીમ્સ જેવી વીડિયો કૉલિંગ એપ્સમાં અવેલેબલ છે.
આ પણ વાંચો........
Health: મખાના ખાવાથી થાય છે અનેક ફાયદા, જાણી તમે પણ ચોંકી જશો
India Corona Cases Today: દેશમાં શું છે કોરોનાની સ્થિતિ, જાણો છેલ્લા 24 કલાકમાં કેટલા નોંધાયા કેસ
રાજ્યમાં આગામી ચાર દિવસ ભારે વરસાદની આગાહી, આ વિસ્તારોમાં પડશે ધોધમાર વરસાદ
Gujarat Rain: વરસાદી પાણીમાં ન્હાવા પડેલા બે સગા ભાઈઓના મોત, પરિવારમાં શોકનો માહોલ