Oppo Reno 12 અને Oppo Reno 12 Pro 5G થયા લોન્ચ, યૂઝર્સને મળશે AI ફિચર્સ 

ઓપ્પોએ આજે ​​તેની નવી રેનો સિરીઝ લોન્ચ કરી છે. આ સિરીઝ હેઠળ, કંપનીએ Oppo Reno 12 5G અને Oppo Reno 12 Pro 5G નામના બે સ્માર્ટફોન લોન્ચ કર્યા છે.

Oppo Reno 12 5G: ઓપ્પોએ આજે ​​તેની નવી રેનો સિરીઝ લોન્ચ કરી છે. આ સિરીઝ હેઠળ, કંપનીએ Oppo Reno 12 5G અને Oppo Reno 12 Pro 5G નામના બે સ્માર્ટફોન લોન્ચ કર્યા છે. આ બંને ફોન AI ફીચર્સથી ભરપૂર છે. કંપનીએ આ ફોનમાં કેમેરા સેટઅપથી લઈને સોફ્ટવેર સુધીના ઘણા બધા AI ફીચર્સ પેક કર્યા છે. વપરાશકર્તાઓને આ ફોનમાં સારી ડિઝાઇન, ડિસ્પ્લે અને એક ઉત્તમ AI કેમેરા સેટઅપ પણ મળશે.

આ બંને ફોનની કિંમત 

કંપનીએ Oppo Reno 12ને 8GB રેમ અને 256GB વેરિયન્ટમાં લૉન્ચ કર્યો છે, જેની કિંમત 32,999 રૂપિયા છે. આ ફોન 25 જુલાઈથી વેચાણ માટે ઉપલબ્ધ કરાવવામાં આવશે.

કંપનીએ Oppo Reno 12 Pro 5Gને બે વેરિએન્ટમાં લોન્ચ કર્યો છે. તેનું પહેલું વેરિઅન્ટ 12GB રેમ અને 256GB સ્ટોરેજ સાથે આવે છે, જેની કિંમત 36,999 રૂપિયા છે. આ ફોનનું બીજું વેરિઅન્ટ 12GB રેમ અને 512GB સ્ટોરેજ સાથે આવે છે, જેની કિંમત 40,999 રૂપિયા છે.

આ બંને વેરિઅન્ટ 18 જુલાઈથી વેચાણ માટે ઉપલબ્ધ કરવામાં આવશે. આ ફોન પર 4000 રૂપિયા સુધીનું ઈન્સ્ટન્ટ કેશબેક અને 9 મહિનાની  EMI પર આ ફોન પર ઉપલબ્ધ થશે.

OPPO Reno12 Pro 5G 

આ ફોનની સ્ક્રીન વિશે વાત કરીએ તો, કંપનીએ તેને 6.7 ઇંચની ક્વોડ કર્વ્ડ ઇન્ફિનિટ વ્યૂ સ્ક્રીન આપી છે, જે 120Hz AMOLED ડિસ્પ્લે સાથે આવે છે. કંપનીએ આ ફોનમાં 60/90/120Hz સુધીના ડાયનેમિક રિફ્રેશ રેટની સુવિધા આપી છે.

આ સેટઅપનો મુખ્ય કેમેરા 50MP Sony LYT-600 સેન્સર સાથે ઓપ્ટિકલ ઇમેજ સ્ટેબિલાઇઝેશન એટલે કે OIS સપોર્ટ સાથે આવે છે, જે f/1.8 લેન્સ એપરચર અને 79°ના એંગલ સપોર્ટ સાથે આવે છે. આ ફોનનો બીજો બેક કેમેરા 50MP Samsung S5KJN5 પોટ્રેટ કેમેરા લેન્સ સાથે આવે છે. ત્રીજો કેમેરો 8MP સોની IMX355 સેન્સરના અલ્ટ્રા-વાઇડ એંગલ લેન્સ સાથે આવે છે.

Oppo એ આ ફોનમાં સેલ્ફી અને વિડિયો કોલિંગ માટે 50MP ફ્રન્ટ કેમેરા આપ્યો છે, જે ઓટોફોકસ અને પોટ્રેટ મોડ બંનેને સપોર્ટ કરે છે. પરફેક્ટ શોટ ફ્રેમ કરવા માટે તમે 0.8×, 1× અને 2× ઝૂમ વચ્ચે સ્વિચ કરી શકો છો.

આ ફોન Android 14 પર આધારિત ColorOS 14.1 OS પર ચાલે છે. આ OS 3 વર્ષની OS અપગ્રેડ અને 4 વર્ષની સુરક્ષા પેચ અપડેટની ગેરંટી સાથે આવે છે.

આ ફોનમાં પ્રોસેસર માટે MediaTek Dimensity 7300-Energy ચિપસેટનો ઉપયોગ કરવામાં આવ્યો છે, જે 4nm કટીંગ-એજ પ્રોસેસર સાથે આવે છે. આ ફોનનો આ ચિપસેટ ગ્રાફિક્સ માટે Arm Mail-G615 GPU સાથે આવે છે, જેના કારણે આ ફોનના ગ્રાફિક્સ વિઝ્યુઅલ પણ ખૂબ જ શાનદાર લાગે છે.