આ મોટા પરિવર્તન પછી, રિલાયન્સ જિયો ફક્ત 4 ઓલ-ઇન-વન યોજના આપી રહી છે. જિઓફોનનો આ પ્રીપેડ રિચાર્જ પ્લાન 75 રૂપિયા, 125 રૂપિયા, 155 અને 185 રૂપિયા છે. રિલાયન્સ જિઓએ આઇયુસી ચાર્જ નાબૂદ કર્યા પછી જિયોફોનના પ્રીપેડ પોર્ટફોલિયોમાં આ મોટો ફેરફાર કર્યો છે. હવે જિઓની યોજનાઓમાં ટ્રુલી અનલિમિટેડ કૉલિંગના ફાયદા શરૂ થઈ ગયા છે. એટલે કે, જિઓ વપરાશકર્તાઓ હવે કોઈપણ નેટવર્ક પર અમર્યાદિત કૉલિંગ કરી શકે છે.
જિયોફોનનો 75 રૂપિયાનો પ્લાન અમર્યાદિત કૉલિંગ સાથે 3 જીબી ડેટા આપે છે. આ યોજનાની માન્યતા 28 દિવસની છે. યોજનામાં 50SMS મોકલવાની સુવિધા ઉપલબ્ધ છે. તો જીયોફોનના 125 રૂપિયાના પ્લાનમાં અનલિમીટેડ કૉલિંગ સાથે કુલ 14GB ડેટા મળે છે. પ્લાનની વેલીડીટી 28 દિવસની છે. પ્લાનમાં 300 SMS મોકલવાની સુવિધા મળે છે. જિયોના 155 રૂપિયાના પ્લાનની વેલીડીટી પણ 28 દિવસની છે. પ્લાનમાં મફત કૉલિંગ સાથે 28 GB ડેટા મળે છે. એટલે આ પ્લાનમાં યૂઝર્સને દરરોજ 1 GB ડેટા મળે છે. પ્લાનમાં દર દિવસે 100SMS ની પણ સુવિધા છે. જિઓ ફોનના 185 રૂપિયાના પ્લાનમાં કુલ 56 જીબી ડેટા ઉપલબ્ધ છે. અમર્યાદિત કૉલિંગ સાથે દરરોજ 100 SMS મોકલવાની સુવિધા પૂરી પાડે છે. આ તમામ યોજનાઓમાં Jio એપ્લિકેશનનું કોમ્પ્લીમેન્ટ્રી સબ્સ્ક્રિપ્શન ઉપલબ્ધ છે.
રિલાયન્સ જિઓએ 28 દિવસથી લઇને 168 દિવસની વેલિડિટીના 97, 153, 297 અને 594 રૂપિયામાં JioPhone ની યોજનાઓ બંધ કરી દીધી છે. તાજેતરના બદલાવો પછી, JioPhone વપરાશકર્તાઓને રિચાર્જ કરવા માટે ફક્ત 28 દિવસની માન્યતા યોજનાઓ બાકી છે.