નવી દિલ્હીઃ સેમસંગે પોતાનો વર્ષનો પહેલો સ્માર્ટફોન સેમસંગ ગેલેક્સી M02sને ભારતમાં લૉન્ચ કરી દીધો છે. આને 8999 રૂપિયાની શરૂઆતી કિંમત સાથે માર્કેટમાં ઉતારવામાં આવ્યો છે. આ કિંમત ફોનના 3જીબી રેમ અને 32જીબી સ્ટૉરેજ વાળા વેરિએન્ટની છે, જ્યારે 4જીબી રેમ અને 64જીબી સ્ટૉરેજ વાળા વેરિએ્ટની કિંમત 9999 રૂપિયા રાખવામાં આવી છે. જો તમે આ ફોન ખરીદવા ઇચ્છો છો તો અમેઝોન અને સેમસંગ ડૉટ કૉમ પર જઇને ખરીદી શકો છો. આ ઉપરાંત આ ફોન રિટેલ સ્ટોર્સ પર પણ મળશે. આ છે સ્પેશિફિકેશન્સ સેમસંગ ગેલેક્સી M02sમાં 6.5 ઇંચની ડિસ્પ્લે આપવામાં આવી છે. ફોન ક્વૉલકૉમ સ્નેપડ્રેગન 450 પ્રૉસેસર વાળો છે. આ ફોનના સ્ટૉરેજને માઇક્રોએસડી કાર્ડથી 1TB સુધી વધારી શકાય છે. આ ફોનમાં 5,000 mAhની બેટરી આપવામાં આવી છે. જે 15W ફાસ્ટ ચાર્જિંગને સપોર્ટ કરે છે. 10000 થી ઓછા બજેટમાં પહેલીવાર સેમસંગે આટલી મોટી બેટરી આપી છે. સેમસંગનો આ ફોન Black, Red અને Blue કલર ઓપ્શનમાં અવેલેબલ છે. શાનદાર છે કેમેરા સેમસંગ Galaxy M02sના રિયરમાં ત્રિપલ કેમેરા સેટઅપ આપવામાં આવ્યો છે. ફોનનો મેન કેમેરો 13 મેગાપિક્સલનો છે.આમાં 2 મેગાપિક્સલનો મેક્રો લેન્સ અને 2 મેગાપિક્સલનુ ડેપ્થ સેન્સર આપવામાં આવ્યુ છે. સેલ્ફી અને વીડિયો માટે સેમસંગના આ ફોનમાં 5 મેગાપિક્સલનો ફ્રન્ટ કેમેરો આપવામાં આવ્યો છે, જે સેલ્ફી ફૉક્સ અને લાઇવ બ્યૂટી ફિચરની સાથે આવે છે.