TV Buying Guide: ટીવી ખરીદતી વખતે મોટાભાગના લોકો સૌથી પહેલા તેની સ્ક્રીન સાઈઝ પર ધ્યાન આપે છે. સામાન્ય રીતે એવું માનવામાં આવે છે કે જેટલી મોટી સ્ક્રીન હશે, જોવાનો અનુભવ એટલો જ સારો રહેશે. આ જ કારણે ઘણા ગ્રાહકો પોતાના બજેટ પ્રમાણે સૌથી મોટું ટીવી ખરીદવાનો પ્રયત્ન કરે છે, પરંતુ માત્ર મોટી સ્ક્રીન હોવી એ જ સારી વ્યુઇંગ ક્વોલિટીની ગેરંટી નથી. જો રૂમના કદની સરખામણીમાં ટીવીની સાઈઝ બહુ મોટી હોય, તો તેને લાંબા સમય સુધી જોવું અગવડભર્યું બની શકે છે. તેમજ જરૂરિયાત કરતાં નાની સ્ક્રીન પણ જોવાની મજા બગાડી શકે છે. તેથી ટીવી ખરીદતા પહેલાં એ સમજવું જરૂરી છે કે તમારા રૂમની સાઈઝ શું છે અને ટીવીથી બેસવાનું અંતર કેટલું છે. તો ચાલો જાણીએ કે રૂમની સાઈઝ અને અંતરના હિસાબે કેટલા ઈંચનું ટીવી બેસ્ટ રહેશે.
બેસવાના અંતરના આધારે નક્કી કરો ટીવીની સાઈઝ
ટીવી ખરીદતી વખતે માત્ર સ્ક્રીનની સાઈઝ જ નહીં, પરંતુ તમારા બેસવાનું અંતર પણ ખૂબ મહત્વનું છે. જો ટીવીથી તમારા બેસવાનું અંતર 6 થી 8 ફીટની વચ્ચે હોય, તો 43 ઈંચ કે 50 ઈંચનું ટીવી યોગ્ય માનવામાં આવે છે. જો આ અંતર 8 થી 10 ફીટની વચ્ચે હોય, તો 55 ઈંચની સ્ક્રીન બેલેન્સ વ્યુઇંગ એક્સપિરિયન્સ આપે છે. વળી, 65 ઈંચ કે 75 ઈંચ જેવા મોટા ટીવી એવા રૂમ માટે પરફેક્ટ છે જ્યાં બેસવાનું અંતર ઘણું વધારે હોય. નાના રૂમમાં જરૂર કરતાં મોટું ટીવી ખરીદવાથી ખર્ચ તો વધી જશે, પરંતુ જોવાની મજા નહીં આવે.
આ પણ વાંચો...ઘરમાં સોલર પેનલ લગાવતા પહેલાં જાણી લો આ 5 વાતો, નહીં તો થશે મોટું નુકસાન
ટીવી ખરીદતા પહેલાં આ કામ ચોક્કસ કરો
નવું ટીવી ખરીદતા પહેલાં રૂમનું સાચું માપ લેવું જરૂરી છે. એ જુઓ કે દીવાલ કે ટીવી યુનિટ પર કેટલી જગ્યા ઉપલબ્ધ છે અને ટીવી જોવાનું અંતર કેટલું રહેશે. આ સિવાય માત્ર સ્ક્રીન સાઈઝ જ નહીં, પરંતુ અન્ય ફીચર્સ પર પણ ધ્યાન આપવું જોઈએ. જેમ કે ડિસ્પ્લેનું રેઝોલ્યુશન, રિફ્રેશ રેટ, ઓપરેટિંગ સિસ્ટમ, સ્પીકરની કેપેસિટી અને એપ સપોર્ટ. રોજિંદા ઉપયોગમાં આ ફીચર્સ ઘણીવાર સ્ક્રીનની સાઈઝ કરતાં પણ વધુ મહત્વના સાબિત થાય છે.
નાના રૂમ માટે કેવું ટીવી યોગ્ય રહેશે?
જો તમારો રૂમ નાનો છે, જેમ કે બેડરૂમ, સ્ટડી રૂમ કે નાની લિવિંગ સ્પેસ, તો QLED પેનલવાળું ટીવી સારો વિકલ્પ હોઈ શકે છે. આ પ્રકારના ટીવીમાં સામાન્ય LED પેનલની તુલનામાં વધુ સારા કલર્સ જોવા મળે છે. સાથે જ Google TV પ્લેટફોર્મ દ્વારા ઘણી લોકપ્રિય સ્ટ્રીમિંગ એપ્સનો ઉપયોગ સરળતાથી કરી શકાય છે.
મીડિયમ સાઈઝના લિવિંગ રૂમ માટે કયો ઓપ્શન બેસ્ટ?
જો તમારો લિવિંગ રૂમ મીડિયમ સાઈઝનો હોય, તો 55 ઈંચનું ટીવી સ્ક્રીન સાઈઝ અને જોવાની મજા વચ્ચે સારું સંતુલન બનાવે છે. તેમાં 4K ડિસ્પ્લે, HDR10 અને MEMC ટેકનોલોજી મળે છે, જે સ્પોર્ટ્સ અથવા હાઈ-સ્પીડ વીડિયો દરમિયાન મોશન બ્લર ઓછું કરવામાં મદદ કરે છે. આ સિવાય Google TV, વોઈસ કંટ્રોલ અને ઇનબિલ્ટ સ્ટોરેજ જેવી સુવિધાઓ સ્ટ્રીમિંગને સરળ બનાવે છે.
43, 50 કે 75 ઈંચમાંથી કયું ખરીદવું?
જો રૂમની સાઈઝ ખૂબ નાની હોય તો 32 ઈંચનું સ્માર્ટ ટીવી પણ સારો ઓપ્શન બની શકે છે, જે બજેટ ફ્રેન્ડલી હોય છે અને Tizen કે અન્ય પ્લેટફોર્મ પર ચાલે છે. જો તમારા રૂમની સાઈઝ મોટી છે અને ટીવી જોવાનું અંતર પણ વધારે છે, તો 75 ઈંચનું QLED ટીવી શ્રેષ્ઠ ઓપ્શન છે. તેમાં 4K રેઝોલ્યુશન, Dolby Vision અને 120Hz રિફ્રેશ રેટ મળે છે, જે મૂવીઝ અને ગેમિંગનો શાનદાર એક્સપિરિયન્સ આપે છે. તેની સાથે 80W સ્પીકર સિસ્ટમ અને Dolby Atmos સપોર્ટ પણ મળે છે, જેનાથી અલગ સાઉન્ડ સિસ્ટમ લગાવવાની જરૂર પડતી નથી.
ટીવી ખરીદતા પહેલાં આ બાબતો હંમેશાં ધ્યાનમાં રાખો:
- સ્ક્રીન સાઈઝ અને અંતર - ટીવી હંમેશાં રૂમની સાઈઝ અને બેસવાના અંતર (Viewing Distance) મુજબ જ પસંદ કરો.
- ડિસ્પ્લે રેઝોલ્યુશન - ટીવી ખરીદતી વખતે જુઓ કે તેમાં HD Ready, Full HD કે 4K રેઝોલ્યુશન મળે છે. મોટી સ્ક્રીન માટે હંમેશાં 4K રેઝોલ્યુશન પસંદ કરવું જેથી પિક્ચર ક્વોલિટી બેસ્ટ મળે.
- સ્માર્ટ ટીવી પ્લેટફોર્મ - એ પણ ચેક કરો કે ટીવી Google TV, Tizen કે Linux જેવી કઈ ઓપરેટિંગ સિસ્ટમ પર ચાલે છે. સારી ઓપરેટિંગ સિસ્ટમ લોકપ્રિય એપ્સ અને સરળ ઇન્ટરફેસ આપે છે.
- ઓડિયો ક્વોલિટી - દરેક ટીવીના સ્પીકર અલગ હોય છે. તેથી સ્પીકર આઉટપુટ (Watts) ની સાથે Dolby Audio કે Dolby Atmos જેવા ફીચર્સ પર પણ ધ્યાન આપો.
- કનેક્ટિવિટી - ટીવી ખરીદતા પહેલાં HDMI પોર્ટ, USB પોર્ટ, Wi-Fi અને કાસ્ટિંગ ફીચર જેવી સુવિધાઓની પણ તપાસ કરી લો, જેથી ગેમિંગ કન્સોલ કે અન્ય ડિવાઈસ સરળતાથી કનેક્ટ થઈ શકે.