વીવો વી20 પ્રૉ 5Gની કિંમત
વીવો વી20 પ્રૉ 5Gને ભારતમાં 29990 રૂપિયાની કિંમતમાં કંપની લૉન્ચ કરી શકે છે, આવા રિપોર્ટ લૉન્ચ પહેલા લીક થઇ ચૂક્યા છે. જોકે, આની સાચી માહિતી હજુ કંપની તરફથી આવી નથી.
વીવો વી20 પ્રૉ 5Gના ફિચર્સ....
લીક રિપોર્ટ્સનુ માનીએ તો કંપની વીવો વી20 પ્રૉ 5G ફોનમાં કેટલાક ખાસ ફિચર્સ અપડેટ કરી શકે છે. આમાં 6.44 ઇંચની ફૂલ એચડી +એમોલેડ પેનલ છે. સ્ક્રીનનો આસ્પેક્ટ રેશિયો 20:9 છે. હેન્ડસેટમાં કંપની ત્રિપલ રિયર કેમેરા આપશે, જે 64 મેગાપિક્સલ, 8 મેગાપિક્સલ તથા 2 મેગાપિક્સલ વાળા હશે. વળી સાથે કંપની 44 મેગાપિક્સલ તથા 8 મેગાપિક્સલના ડ્યૂલ ફ્રન્ટ કેમેરા સેટઅપ પણ આપશે.
આ ઉપરાંત કંપની વીવો વી20 પ્રૉ 5Gમાં ઓક્ટાકૉર ક્વાલકૉમ સ્નેપડ્રેગન 765 5જી મોબાઇલ પ્રૉસેસર આપી શકે છે. રેમ 8જીબી તથા ઇનબિલ્ટ સ્ટૉરેજ 128જીબી હશે. બેટરીની વાત કરીએ તો ફોનમાં 4000એમએએચની બેટરી આપશે, જે 33 વૉટ ફાસ્ટ ચાર્જિંગ સોપર્ટ કરે છે.