નેવિગેશન માટે નહીં હોય ઇન્ટરનેટ તો પણ ચાલશે Google Maps, જાણો તેના માટે શું છે ટ્રિક્સ........

ગૂગલ મેપ્સ પર તમને સુવિધા આપવામાં આવે છે કે તમે કોઇપણ લૉકેશન કે એરિયાને સેવ કરી શકો. જોકે આ કામ તમને તે સમયે જ નિપટાવી લેવુ પડશે,

નવી દિલ્હીઃ આજના જમાનામાં આપણે બધા ગૂગલ મેપ્સનો ખુબ ઉપયોગ કરીએ છીએ, કોઇપણ નવી જગ્યાએ જવુ હોય તો આપણે પહેલા લોકોને પુછીને રસ્તો શોધતા હતા, પરંતુ આજકાલ મોબાઇલમાં રહેલી Google Maps તમને તમામ રસ્તાઓ એક જ ક્લિકમાં બતાવી દે છે. જોકે, ઘણીવાર Google Maps ચલાવવા માટે ઇન્ટરનેટ ના હોય તો પણ મુશ્કેલી પડી જાય છે. આવામાં ગૂગલ મેપ્સ કઇ રીતે ચાલશે ? અહીં અમે તમને ગૂગલ મેપ્સ (Google Maps) ને ઓફલાઇન ઉપયોગ કરવાની આસાની રીત બતાવી રહ્યાં છીએ.......  

ખરેખરમાં, ગૂગલ મેપ્સ પર તમને સુવિધા આપવામાં આવે છે કે તમે કોઇપણ લૉકેશન કે એરિયાને સેવ કરી શકો. જોકે આ કામ તમને તે સમયે જ નિપટાવી લેવુ પડશે, જ્યારે ફોનમાં ઇન્ટરનેટ ચાલી રહ્યુ છે. બાદમાં આ સેવ કરવામાં આવેલા ડેટાના ઉપયોગ તમે ઓફલાઇન મૉડમાં કરી શકો છો. આ રીત એન્ડ્રોઇડ અને iOS બન્ને સ્માર્ટફોન પર કરી શકાય છે. જાણો શું છે રીત......... 

Offline મૉડમાં આ રીતે ચલાવો Google Maps

સ્ટેપ 1: સ્માર્ટફોનમાં Google Maps એપ ખોલો.

સ્ટેપ 2: આ પછી ઉપર ડાબી બાજુ પોતાના પ્રૉફાઇલ પિક્ચર પર ટેપ કરો, અને ઓફલાઇન મેપ્સ સિલેક્ટ કરો. 

સ્ટેપ 3: આ પછી 'Select your own map' પર ટેપ કરો અને તે જગ્યાને સિલેક્ટ કરો જ્યાં તમે જઇ રહ્યાં છો. 

સ્ટેપ 4: આ પછી મેપ ડાઉનલૉડ થઇ જશે અને તમે આને ઓફલાઇન પણ એક્સેસ કરી શકો છો. 

ઇન્ટરનેટ વિના Google Mapsનો ઉપયોગ કરવા માટે, મેપ તમારા સ્માર્ટફોનમાં સ્ટૉર થવો જોઇએ. ખાસ વાત છે કે જ્યારે પણ તમે ફોનને Wi-Fi સાથે કનેક્ટ કરશો, તો ડાઉનલૉડ કરવામાં આવેલો મેપ ઓટોમેટિકલી અપડેટ થઇ જશે.

 

આ પણ વાંચો.........