IPL આ અઠવાડિયાથી શરૂ થઈ રહ્યું છે અને રિલાયન્સ જિયો તેના યુઝર્સને મોબાઈલ પર ફ્રીમાં તમામ મેચ જોવાની તક આપી રહી છે. IPLની શરૂઆત પહેલા કંપની એક શાનદાર ઓફર લઈને આવી છે. આમાં, મોબાઇલ રિચાર્જ કરવા પર, તમામ નવા અને જૂના યુઝર્સ JioHotstar પર મફતમાં મેચ જોવાની તક મળી રહી છે. આ સાથે, આ ઓફર JioFiber અને JioFiber યુઝર માટે પણ લાગુ છે. ચાલો જાણીએ કે આ ઓફરનો લાભ લેવા માટે શું કરવાની જરૂર છે.
રિલાયન્સ જિયોની ખાસ ઓફર
નવી ઓફર હેઠળ, રિલાયન્સ જિયો તેના વપરાશકર્તાઓને 90 દિવસ માટે JioHotstarનું મફત સબસ્ક્રિપ્શન આપી રહ્યું છે. ઑફરનો લાભ લેવા માટે, યુઝર્સને 299 રૂપિયા અથવા તેનાથી વધુનું કોઈપણ રિચાર્જ કરવું પડશે જેમાં દરરોજ ઓછામાં ઓછો 1.5GB ડેટા ઉપલબ્ધ હોય. આ સિવાય 299 રૂપિયા કે તેથી વધુના રિચાર્જ સાથે નવું સિમ કાર્ડ એક્ટિવેટ કરીને પણ આ ઑફરનો લાભ લઈ શકાય છે. JioFiber અથવા JioAirFiber વિશે વાત કરીએ તો, યુઝર 50 દિવસ માટે ફ્રી ટ્રાયસ આપવામાં આવી રહી છે.
ઓફર મર્યાદિત સમય માટે જ છે
Jioની આ ઓફર માત્ર મર્યાદિત સમય માટે છે. આ ઓફર 17મી માર્ચથી 31મી માર્ચ સુધી માન્ય છે. જે યુઝર્સ હવે રિચાર્જ કર્યું છે, તેમના માટે સબસ્ક્રિપ્શન 22 માર્ચથી એક્ટિવ થઈ જશે. જે યુઝર્સે 17 માર્ચ પહેલા રિચાર્જ કરાવ્યું છે તેઓ 100 રૂપિયાના એડ-ઓન પેકનો લાભ લઈ શકે છે. આ સબ્સ્ક્રિપ્શનમાં, યુઝર્સ 4K ગુણવત્તામાં IPL મેચો સ્ટ્રીમ કરી શકશે.
વોડાફોન આઈડિયા પણ ફ્રી સબસ્ક્રિપ્શન આપી રહી છે
Jio ની જેમ Vodafone Idea પણ JioHotstarનું ફ્રી સબસ્ક્રિપ્શન આપી રહ્યું છે. કંપનીના રૂ. 469ના પ્લાનમાં JioHotstar સબસ્ક્રિપ્શન 90 દિવસ માટે આપવામાં આવી રહ્યું છે. આ સાથે દરરોજ 2.5GB ડેટા, પ્રતિ દિવસ 100 SMS અને અનલિમિટેડ કોલિંગ પણ આપવામાં આવી રહ્યું છે.