Features of New Aadhaar App: 2009માં શરૂ કરાયેલ આધાર આજે વિશ્વની સૌથી મોટી બાયોમેટ્રિક ઓળખ પ્રણાલી છે. અહેવાલો દર્શાવે છે કે તેના હેઠળ 1.44 અબજથી વધુ આધાર નંબર જાહેર કરવામાં આવ્યા છે. આને ધ્યાનમાં રાખીને UIDAIએ જૂની mAadhaar એપ બંધ કરી દીધી છે અને એક નવી, વધુ એડવાન્સ એપ જાહેર કરી હતી. તેનું લેટેસ્ટ વર્ઝન તાજેતરમાં જ બહાર પાડવામાં આવ્યું છે. આ નવી એપ માત્ર આધારને પેપરલેસ જ નહીં પરંતુ આધાર સંબંધિત માહિતી પર વધુ નિયંત્રણ પણ પ્રદાન કરે છે. જો કે, આનાથી પ્રશ્ન ઉભો થાય છે કે શું જૂના mAadhaar એકાઉન્ટને નવી એપમાં ટ્રાન્સફર કરવાની જરૂર પડશે, અને નવી એપમાં ક્યા ફીચર્સ સામેલ કરવામાં આવ્યા છે.?
નોંધનીય છે કે તમે નવી આધાર એપનો ઉપયોગ નવા યુઝર તરીકે કરી શકો છો અને તમારા જૂના mAadhaar એપ એકાઉન્ટને તેની સાથે લિંક કરવાની જરૂર નથી. વધુમાં નવી એપ તમને તમારી આધાર માહિતી ડિજિટલી શેર કરવાની અને તમારા નામ અને સરનામા સંબંધિત ભૂલોને સુધારવાની મંજૂરી આપે છે. વધુમાં તમે તમારા આધારને સુરક્ષિત રાખવા માટે નવી એપ પર બાયોમેટ્રિક લોક પણ લગાવી શકો છો.
નવી એપ mAadhaar કરતાં કેમ સારી છે
mAadhaar એપ બંધ થયા પછી UIDAIની આધાર માટે એકમાત્ર એપ આધાર છે. તે ઘણી રીતે જૂની એપ કરતાં શ્રેષ્ઠ છે. જૂની mAadhaar એપ લોગિન માટે SMS-આધારિત OTP અને PIN નો ઉપયોગ કરતી હતી. નવી એપ ફેસ ઓથેન્ટિકેશન અને બાયોમેટ્રિક લોક/અનલોકિંગ જેવી અદ્યતન સુવિધાઓનો સમાવેશ કરીને સુરક્ષામાં વધારો કરે છે.
આ પણ વાંચોઃ YouTube પર AI વીડિયોની હવે નહીં ચાલે ચાલાકી, ખુદ બતાવી દેશે કઇ કન્ટેન્ટ છે નકલી
નવી આધાર એપમાં માસ્ક્ડ આધાર અને QR કોડ-આધારિત પસંદગીયુક્ત શેરિંગની સુવિધા છે. આ તમને તમારી આધાર માહિતી પર વધુ નિયંત્રણ આપે છે અને તમને ફક્ત તે જ માહિતી શેર કરવાની મંજૂરી આપે છે જે તમે ઇચ્છો છો.
શું મારે જૂના ખાતા ટ્રાન્સફર કરવાની જરૂર પડશે?
લોકો UIDAIની નવી આધાર એપ વિશે ચિંતિત છે, તેઓ વિચારી રહ્યા છે કે શું તેમને તેમના જૂના mAadhaar એપ એકાઉન્ટને આ એપમાં ટ્રાન્સફર કરવાની જરૂર પડશે. જવાબ ના છે. તમે નવા યુઝર તરીકે નવી આધાર એપમાં લોગ ઇન કરી શકો છો અને તમારા આધાર નંબર અને બાયોમેટ્રિક ઓળખનો ઉપયોગ કરીને લોગ ઇન કરી શકો છો.
આ એપમાં તમને તમારો આધાર QR કોડના રૂપમાં પ્રાપ્ત થશે, જેને તમે ડિજિટલી શેર કરી શકો છો. વધુમાં આ એપ તમને તમારા આધાર કાર્ડ પર તમારું નામ અને સરનામું સુધારવાની પણ મંજૂરી આપે છે. કોઈપણ ભારતીય નાગરિક આ એપને ગૂગલ પ્લે સ્ટોર અથવા એપલના એપ સ્ટોર પરથી ડાઉનલોડ કરી શકે છે.
નવી આધાર એપમાં બીજા ક્યા ફીચર્સ છે?
નવી આધાર એપની અન્ય ફીચર્સ વિશે વાત કરીએ તો તમે ફક્ત એક નહીં પરંતુ પાંચ પ્રોફાઇલ ઉમેરી શકો છો. જો કે, તે બધા તમારા મોબાઇલ નંબર સાથે લિંક હોવા જોઈએ. આ રીતે તમે તમારા બાળકોનો આધાર તમારા ફોનમાં પણ રાખી શકો છો. વધુમાં, બાયોમેટ્રિક્સને લોક અથવા અનલૉક કરવાનો વિકલ્પ પણ નવી આધાર એપની હોમ સ્ક્રીન પર ઉપલબ્ધ છે.