Google Gemini AI Chatbot: સામાન્ય રીતે લોકોને તેમના મનપસંદ અભિનેતા કે અભિનેત્રી સાથે વાત કરવાની ઇચ્છા હોય છે પરંતુ આ સપનુ જૂજ લોકોનું જ સાકાર થાય છે. જો તમારી પણ આવી ઈચ્છા હોય તો તમારું સપનું જલ્દી સાકાર થઈ શકે છે. અમે આ એટલા માટે કહી રહ્યા છીએ કારણ કે Google એક એવા પ્રોજેક્ટ પર કામ કરી રહ્યું છે જેમાં AI ચેટબોટ્સ કોઈપણ સેલિબ્રિટીના વર્ચ્યુઅલ વર્ઝન (virtual version) સાથે વાત કરી શકશે, પછી તે યુટ્યુબર હોય કે હોલીવુડ એક્ટર. ચાલો જાણીએ ગૂગલના (google)આ ખાસ પ્રોજેક્ટ વિશે.
રિપોર્ટ્સ અનુસાર, ગૂગલના આ પ્રોજેક્ટ દ્વારા AIની ક્ષમતા પણ જોવા મળશે. આ સાથે એવો પણ દાવો કરવામાં આવે છે કે આ પ્રોજેક્ટને ગૂગલ એક્ઝિક્યુટિવ્સ અને ટેન ટીમ દ્વારા હેન્ડલ કરવામાં આવશે. જો કે આ અંગે હજુ સુધી કોઈ સત્તાવાર માહિતી સામે આવી નથી. આ માટે ગૂગલ એઆઈ(AI) અવતાર માટે ઘણી સેલિબ્રિટી સાથે વાત કરી રહ્યું છે.
તમે તમારી પોતાની AI વ્યક્તિત્વ પણ બનાવી શકો છો
The Information (Via 9to5Google) ના રિપોર્ટ અનુસાર, Gemini AI માત્ર મોટા સ્ટાર્સ સુધી મર્યાદિત નથી પરંતુ તેની યોજના એ પણ છે કે લોકો તેનાથી પોતાનું AI વ્યક્તિત્વ બનાવી શકે છે. તમને તેના વિશે જે રીતે વિગતો આપવામાં આવશે તે પ્રમાણે આ વ્યક્તિત્વ તૈયાર કરવામાં આવશે. ઉદાહરણ તરીકે, જો તમે તમારા મિત્રના કાલ્પનિક પાત્ર વિશે થોડી માહિતી આપો છો, તો AI ચેટબોટ અવતાર તમારા મિત્રનું એઆઇ વર્ઝન તૈયાર કરી આપશે.
મળતી માહિતી મુજબ, ગૂગલ હાલમાં ગૂગલ લેબ્સમાં આ પ્રોજેક્ટ પર કામ કરી રહ્યું છે. Google Labs એ એવી જગ્યા છે જ્યાં કંપની નવા વિચારોનું પરીક્ષણ કરે છે તે જોવા માટે કે કયા પ્રોજેક્ટ કામ કરશે અને કયા નહીં. હવે તે જોવાનું રસપ્રદ રહેશે કે, યુઝર્સ તેમના મનપસંદ અભિનેતાના વર્ચ્યુઅલ સંસ્કરણ સાથે કોઈપણ સમયે કેવી રીતે વાત કરી શકશે.