Battlegrounds Mobile India Pre-registration: PUBG Mobileના ભારતમાં લાખો દિવાના છે, જેને આ ગેમની વાપસીનો બેસબ્રીથી ઇન્તજાર છે. આ લાખો લોકોનો ઇન્તજાર હવે ખતમ થવા જઇ રહ્યો છે. આ ગેમ હવે નવા અવતારમાં Battlegrounds Mobile Indiaના નામથી ભારતમાં વાપસી કરવા જઇ રહી છે.
દક્ષિણ કોરિયન ગેમ ડેવલપર્સ કંપની Kraftonએ Battlegrounds Mobile Indiaના પ્રી-રજિસ્ટ્રેશનની તારીખની જાહેરાત કરી દેવામા આવી છે. ગેમ માટે પ્રી-રજિસ્ટ્રેશન 18 મેએ ગૂગલ પ્લે સ્ટૉર પર લાઇવ થશે. ગેમ ક્યારે રિલીઝ થશે, તેને લઇને હાલ કોઇ જાણકારી નથી આપવામાં આવી. પરંતુ પ્રી-રજિસ્ટ્રેશન લિંક લાઇવ થયા બાદ આ જલ્દી લૉન્ચ થઇ શકે છે. એ પણ સ્પષ્ટ નથી કરવામાં આવ્યુ કે ગેમ iOS પર ક્યારે રિલીઝ થશે.
પ્રી-રજિસ્ટ્રેશન કરનારા ફેન્સને મળશે રિવૉર્ડ્સ.....
કંપનીએ એક પ્રેસ સ્ટેટમેન્ટમાં કહ્યં કે, પ્રી-રજિસ્ટ્રેશન કરનારા ફેન્સ સ્પેશિફિક રિવૉર્ડ્સ માટે ક્લેમ કરી શકશે. આ રિવૉર્ડ્સ માત્ર ભારતીય પ્લેયર્સ માટે જ હશે. પ્રી-રજિસ્ટર કરવા માટે યૂઝરે ગૂગલ પ્લે સ્ટૉર પર જઇને "પ્રી-રજિસ્ટર" બટન પર ક્લિક કરવુ પડશે. ગેમ લૉન્ચ થયા બાદ ક્લેમ કરવા માટે રિવૉર્ડ ઓટોમેટિક ઉપલબ્ધ થઇ જશે. પબજી મોબાઇલની જેમ જ આ ગેમ પણ તમામ યૂઝર્સ માટે રમવા માટે ફ્રી હશે.
ડેટા સિક્યૂરિટીનો રખાશે ખાસ ખ્યાલ......
કંપનીએ કહ્યું- આ વખતે ડેટા સિક્યૂરિટી અને પ્રાઇવસીનો આ વખત ખાસ ખ્યાલ રાખવામાં આવશે. ક્રાફ્ટને કહ્યું- આ વખતે યૂઝરને ડેટા દેશમાં જ સ્ટૉર કરવામાં આવશે. સાથે જ આ વખતે લૉ-રેગ્યૂલેશનનુ પણ ધ્યાન રાખવામાં આવશે. કંપની આ ગેમ બાદ અન્ય ગેમ એપને પણ લૉન્ચ કરશે, જે આ સમયે ભારતમાં અવેલેબલ નથી.
આપવો પડશે પેરેન્ટ્સનો નંબર......
ગેમ ડેવલપર્સ ક્રાફ્ટન અનુસાર, 18 વર્ષથી ઓછી ઉંમરના ગેમ લવર્સ માટે આ વખતે નિયમો થોડા કડક હશે. બેટલગ્રાઉન્ડ મોબાઇલ ઇન્ડિયા ગેમ રમવા માટે તેમને પેરેન્ટ્સની પરમિશનની જરૂર પડશે, અને તેમને પેરેન્ટ્સનો નંબર આપવો પડશે, જેનાથી એ ખબર પડી શકે કે તે ગેમ રમવા યોગ્ય છે કે નથી.