જો કંપનીએ Jio Phone Lite લોન્ચ કર્યો તો પ્રથમ વખત એવું થશે જ્યારે રિલાયન્સ જિઓ ઇન્ટરનેટ વગરનો કોઈ ફોન લોન્ચ કરશે. તેની કિંમત 500 રૂપિયાની અંદર રાખવામાં આવી શકે છે. અહેવાલ અનુસાર તેને 399 રૂપિયા સાથે માર્કેટમાં ઉતારવામાં આવી શકે છે. તેની સાથે જ કંપની ખાસ પ્લાન પણ લોન્ચ કરશે. તેમાં 50 રૂપિયાનું પેક હશે જેની વેલિડિટી 28 દિવસની હશે. આ પ્રીપેડ પ્લાનને ખાસ રીતે Jio Phone Lite માટે તૈયાર કરવામાં આવી શકે છે.
આ પ્લાનમાં યુઝર્સને કોઈ ડેટા ઓફર મળશે નહી. Jio ફોન લાઇટને કંપનીની આગામી એજીએમ 2020 માં લોન્ચ કરાઇ શકે છે. આ ફીચર ફોનને એવા યુઝર્સ માટે તૈયાર કરવામાં આવ્યો છે જે મોબાઇલ ફોનનો ઉપયોગ ફક્ત કોલિંગ માટે કરે છે.
ઉલ્લેખનિય છે કે અન્ય ટેલિકોમ કંપનીઓની પાસે 2જી અને 4જી નેટવર્ક છે. જ્યારે જિયો પાસે માત્ર 4જી સ્પેક્ટ્રમ છે. તેવામાં કંપની તેના ઇન્ટરનેટનો ઉપયોગ ના કરતા યુઝર્સને ટારગેટ કરવાનું વિચારી રહી છે.