WhatsApp For iPhone:જો તમે જૂનો iPhone ઉપયોગ કરો છો, તો આ સમાચાર તમારા માટે મહત્વના છે. હવે WhatsApp વાપરવા માટે iPhoneનું સોફ્ટવેર અપડેટ કરવું જરૂરી બનશે. Metaએ પુષ્ટિ કરી છે કે,30 નવેમ્બર પછી WhatsApp ચલાવવા માટે iPhoneમાં નવા iOS વર્ઝનની જરૂર પડશે. જૂના iOS વર્ઝન પર WhatsApp કામ નહીં કરે. સારા સમાચાર એ છે કે,કોઈપણ iPhone માટે WhatsAppનો સપોર્ટ સંપૂર્ણપણે બંધ થવાનો નથી. જે યુઝર્સ જૂના iOS વર્ઝનનો ઉપયોગ કરે છે, તેઓ પાસે ફોન અપડેટ કરવાનો વિકલ્પ ઉપલબ્ધ રહેશે.
કયા iPhone મોડલ્સ પર પડશે અસર?
હાલમાં WhatsApp iPhone પર iOS 15.1 અને તે પછીના વર્ઝનને સપોર્ટ કરે છે. જોકે, 30 નવેમ્બર પછી iOS 15.1 માટેનો સપોર્ટ બંધ થઈ જશે અને WhatsApp ચલાવવા માટે ઓછામાં ઓછું iOS 15.5 વર્ઝન જરૂરી બનશે.
આ બદલાવની અસર નીચેના મોડલ્સના યુઝર્સ પર પડી શકે છે:
iPhone 6siPhone 6s PlusiPhone SE (1st Generation)iPhone 7iPhone 7 Plus
જો આ મોડલ્સમાં જૂનું iOS વર્ઝન ચાલી રહ્યું હોય, તો તેને iOS 15.8.8 સુધી અપડેટ કરવાની સલાહ આપવામાં આવી છે. અપડેટ કર્યા બાદ WhatsAppનો ઉપયોગ સરળતાથી ચાલુ રાખી શકાશે.
iPhone કેવી રીતે અપડેટ કરવો?
iPhone અપડેટ કરવું ખૂબ જ સરળ છે. જ્યારે કોઈ નવું અપડેટ ઉપલબ્ધ હોય ત્યારે iPhone તમને નોટિફિકેશન દ્વારા જાણ કરે છે.
જો તમે મેન્યુઅલી અપડેટ કરવા માંગતા હોવ તો:
- Settings ખોલો
- General વિકલ્પ પર જાઓ
- Software Update પસંદ કરો
- ઉપલબ્ધ અપડેટ દેખાય તો તેને Install કરો
સાયબર સુરક્ષા અને નવા ફીચર્સનો લાભ મેળવવા માટે નિષ્ણાતો હંમેશા ફોન અને એપ્સને અપડેટ રાખવાની સલાહ આપે છે. કોઈપણ iPhone માટે WhatsAppનો સપોર્ટ બંધ નહીં થાય, hatsApp સમયાંતરે સુરક્ષા અને નવા ફીચર્સ માટે જૂના ઓપરેટિંગ સિસ્ટમ્સનો સપોર્ટ બંધ કરતી રહે છે. જોકે, આ વખતે iPhone યુઝર્સ માટે સ્થિતિ અલગ છે.
હાલમાં iOS 15.1 પર ચાલતા તમામ iPhoneને iOS 15.5 અથવા તેનાથી નવા વર્ઝન પર અપડેટ કરી શકાય છે. એટલે કે જૂના iPhone યુઝર્સને WhatsApp ચાલુ રાખવા માટે નવો ફોન ખરીદવાની જરૂર પડશે નહીં. માત્ર સોફ્ટવેર અપડેટ કરીને તેઓ WhatsAppનો ઉપયોગ ચાલુ રાખી શકશે.