ભારત સહિત અનેક દેશોમાં ડાઉન થયું Youtube, વીડિયો જોવામાં લોકોને થઈ પરેશાની

આજે સવારથી જ લોકોને વીડિયો જોવામાં તકલીફ પડી હતી, ઉપરાંત ઘણી જગ્યાએ લોડિંગમાં પણ મુશ્કેલી થઈ હતી.

નવી દિલ્હીઃ ભારત સહિત અનેક દેશોમાં આજે સવારથી યૂટ્યુબ ડાઉન થયું હતુ. સોશિયલ મીડિયા પર હેશટેગ સાથે યૂટ્યુબ ડાઉન ટ્રેન્ડ કરી રહ્યું છે. આજે સવારથી જ લોકોને વીડિયો જોવામાં તકલીફ પડી હતી, ઉપરાંત ઘણી જગ્યાએ લોડિંગમાં પણ મુશ્કેલી થઈ હતી.

યૂઝર્સે ટ્વિટર પર લખ્યું, તેમનું યૂટ્યુબ કામ નથી કરી રહ્યું. ગૂગલ ટીવી દ્વારા યૂટ્યુબ ટીવી, ફિલ્મો અને ટીવી શો જોવામાં મુશ્કેલી પડતી હતી. જોકે થોડા કલાક બાદ આ ખામી દૂર થઈ ગઈ હતી. જે બાદ યૂટ્યૂબે નિવેદન બહાર પાડ્યું હતું.

કંપનીએ નિવેદનમાં જણાવ્યું, અમે પરત આવી ગયા છે. અડચણ આવવા બદલ અમે દિલગીર છીએ. તમામ ડિવાઇસ અને યૂટ્યૂબ સર્વિસમાં આવતી તકલીફ દૂર કરી દેવામાં આવી છે. ધીરજ રાખવા બદલ ધન્યવાદ. આ પહેલા એક કલાકથી ઓછા સમયમાં 2.8 લાખથી વધારે યૂઝર્સે આ સમસ્યા સાથે રિપોર્ટ કર્યો હતો.