વડોદરા: DJ બંધ કરાવવા બાબતે કોમી તોફાનો ફાટી નીકળ્યાં, DGPની કાર પર ઝીંકાયો દેશી બોંબ

જોકે એક કલાક બાદ પોલીસે તમામ વિષતારમાં કંટ્રોલ મેળવી લીધા હતા. ત્યારબાદ પોલીસે તમામ વિસ્તારમાં કોમ્બિન્ગ કરી તોફાનીઓને પકડવાની કાર્યવાહી હાથ ધરી હતી

આ ઘટનામાં ડી.સી.પી લીના પાટીલને પણ સામાન્ય ઇજા થવા પામી હતી, પોલીસે અનેક ટિયરગેસના સેલ છોડયા હતા. જોકે બાઇક સહીત અનેક જગ્યાએ રસ્તા પર આગ લગાડાઈ હતી.

આ બબાલન કારણે પોલીસ ઉચ્ચ અધિકારીઓ ઘટના સ્થળે આવી પહોંચ્યા હતા. ત્યારે ડી.સી.પી ફ્રાઇમ લીના પાટીલ ની ગાડી પર પણ દેશી બોમ્બ ફેંકાયો હતો. જેથી તેમની ગાડીનું ટાયર પણ ફાટ્યું હતું. આ સિવાય એક ગનમેન પણ ઘાયલ થયો હતો. જેને તાત્કાલિક ધોરણે ખાનગી હોસ્પિટલ સારવાર અર્થે ખસેડાયો હતો.

વડોદરા. ફતેહપુરા વિસ્તારમાં મોડી રાત્રે લગ્નનો વરગોડા પસાર થઇ રહ્યો હતો તે દરમિયાન બબાલ થઈ હતી. જોત જોતામાં આ બબાલમાં બે જૂથના ટોળાં સામ સામે આવી જતા તોફાન વધી ગયું. જોત જોતામાં તોફાન થતા પથ્થરમારો અને પેટ્રોલ ભરેલી બોટલો ફેંકાઈ હતી.

ત્યારબાદ ફતેપુરા, યાકૂતપુરા, અદાણીયાપુલ વિષતારમાં તોફાનો ફાટી નિકડયા હતા. આ બબાલના લીધે સળગતા કાકડા તેમજ દેશી બૉમ્બ જેવી વસ્તુઓ ફેંકાવા લાગી હતી.