વડોદરાઃ વોર્ડ ઓફિસમાં દારૂની મહેફિલ માણતા અધિકારીઓ ઝડપાયા,કેમેરો જોઇ મોં છૂપાવવા લાગ્યા
ઘટના સ્થળેથી રેવન્યુ ઓફિસરની એ.સી.ચેમ્બરમાં દારૂની બોટલો, ચાખણુ, દારૂ ભરેલા ગ્લાસ, સોડા અને પાણીની બોટલો મળી આવી હતી. મીડિયોનો કેમેરો જોતાં જ અધિકારીઓ અને કર્મચારીઓ હાંફડા-ફાફળા થઇ ગયા હતા. કેટલાક ઓફિસર મોં છૂપાવીને ભાગવા લાગ્યા હતા.
મળતી વિગતો અનુસાર, વડોદરા શહેરના વાઘોડિયા રોડ પર આવેલી વોર્ડ નં-3ની ઓફિસની રેવન્યુ ઓફિસરની એ.સી.ચેમ્બરમાં ગત રાત્રે દારૂની મહેફિલ જામી હતી. સ્થાનિક લોકોએ મીડિયા સાથે અહીં રેડ પાડતા વોર્ડ ઓફિસર અને કર્મચારીઓ દારૂની મહેફીલ માણતા રંગે હાથે ઝડપાઇ ગયા હતા.
વડોદરાઃ રાજ્યમાં કડક દારૂબંધી હોવાનો દાવો કરતી રાજ્ય સરકારની પોલ ખોલતી ઘટના વડોદરામાં સામે આવી છે. વડોરાના વાઘોડિયા રોડ પર આવેલી વોર્ડ નં-3ની ઓફિસમાં વોર્ડ ઓફિસર અને સ્ટાફના કર્મચારીઓ દારૂની મહેફિલ માણતા રંગેહાથે કેમેરામાં કેદ થઇ ગયા હતા. જેને પગલે વડોદરા કોર્પોરેશનમાં ખળભળાટ મચી ગયો હતો.