વડોદરા: રેડ કરવા ગયેલી પોલીસ પર બુટલેગરોનો હુમલો, પોલીસે કર્યું પાંચ રાઉન્ડ ફાયરિંગ

વડોદરા: ગણપતપુરમાં દારૂના અડ્ડા પર રેડ કરવા ગયેલી પોલીસ અને બુટલેગરો વચ્ચે હિસંક અથડામણ થઈ હતી. ત્યારે રેડ કરવા ગયેલી પોલીસ પર બુટલેગરોએ હુમલો કર્યો હતો. આ હિંસક અથડામણ થતા સ્વ બચાવ માટે પોલીસે પાંચ રાઉંડ ફાયરિંગ કર્યું હતું. જેમાં ગણપતપુરા ગામના પિતા-પુત્રને પગમાં ગોળી વાગતા ઇજાગ્રસ્ત થયા હતા. જેથી બંનેને સારવાર અર્થે ખાનગી હોસ્પિટલમાં ખસેડવામાં આવ્યા હતા. જ્યારે પીએસઆઈ સહિત બે પોલીસ કોનસ્ટેબલને પણ પહોંચી ઈજા પહોંચી છે.

200 પોલીસકર્મી સાથે ગણપતપુરામાં પોલીસે કોમ્બિંગ શરૂ કર્યુ છે. ગામ પોલીસ છાવણીમાં ફેરવાઇ ગયુ છે. તાલુકા પોલીસે આ મામલે ગુનો નોંધીને આગળની કાર્યવાહી હાથ ધરી છે.