Hun To Bolish : હું તો બોલીશ : વરસાદનું ગ્રાઉન્ડ ઝીરો રિપોર્ટિંગ

રાજ્યમાં સવારે 6 વાગ્યાથી સાંજે 6 વાગ્યા સુધી 247 તાલુકામાં વરસાદ નોંધાયો હતો. જેમાં 5 તાલુકામાં 5 ઈંચથી વધુ, 40 તાલુકામાં 2થી 5 ઈંચ અને 66 તાલુકામાં 1થી 2 ઈંચ વરસાદ પડ્યો હતો. સૌથી વધુ 8.5 ઈંચ વરસાદ મોરબીમાં નોંધાયો હતો. ત્યારબાદ ટંકારા (7.5 ઈંચ), ધાંગધ્રા (7 ઈંચ), હળવદ (6.5 ઈંચ), વઢવાણ (6.18 ઈંચ), માળિયા (5 ઈંચ), લખતર અને વાંકાનેર (4.5 ઈંચ), તિલકવાડા (4.29 ઈંચ) તેમજ મહુધા (4 ઈંચ)માં ભારે વરસાદ વરસ્યો હતો.

ભારે વરસાદને કારણે સુરેન્દ્રનગર, મોરબી, કચ્છ, પાટણ, રાજકોટ, ખેડા, સુરત અને નવસારી સહિત અનેક જિલ્લાઓમાં જનજીવન પ્રભાવિત થયું. અનેક રસ્તાઓ બંધ થયા, નીચાણવાળા વિસ્તારો અને ઘરોમાં પાણી ઘૂસ્યા, ડેમ ઓવરફ્લો થયા અને નદીઓ બે કાંઠે વહેવા લાગી. અનેક ગામોનો સંપર્ક તૂટી ગયો, ખેતી અને મિલકતોને નુકસાન થયું તેમજ SDRF, ફાયર બ્રિગેડ, પોલીસ અને આર્મીએ લોકોને સુરક્ષિત સ્થળે ખસેડવા રેસ્ક્યુ કામગીરી હાથ ધરી.