Ahmedabad news: અમદાવાદના બાપુનગરમાં ધો.11માં અભ્યાસ કરતા વિદ્યાર્થી પર હુમલો

સુરતની ઘટનાના ગણતરીના કલાકોમાં જ અમદાવાદમાં પણ હુમલાનો બનાવ બન્યો છે. બાપુનગર વિસ્તારમાં આવેલી હીરાવાડી પાસે ભોમિયા ડેરી નજીક ધોરણ 11માં અભ્યાસ કરતા વિદ્યાર્થી પર હુમલો થયો છે. આ ઘટના અંગે વિગતે વાત કરીએ તો, ટ્યૂશન ક્લાસમાં બેસવાની જગ્યા બાબતે થયેલી સામાન્ય બોલાચાલીએ ઉગ્ર સ્વરૂપ ધારણ કર્યું હતું. ત્યારબાદ એક વિદ્યાર્થીએ અન્ય વિદ્યાર્થી પર છરી વડે હુમલો કરી દીધો હતો.  હુમલો કર્યા બાદ આરોપી વિદ્યાર્થી ઘટનાસ્થળેથી ફરાર થઈ ગયો છે. ઈજાગ્રસ્ત વિદ્યાર્થીને તાત્કાલિક સારવાર અર્થે હોસ્પિટલ લઈ જવામાં આવ્યો છે. હુમલાની આ ઘટનાથી ચારે તરફ ચકચાર મચી જવા પામી હતી. નોંધનિય છે કે, શાળાઓ અને ટ્યૂશન ક્લાસની બહાર વિદ્યાર્થીઓ દ્વારા આ પ્રકારની હિંસક પ્રવૃત્તિઓ ચિંતાનો વિષય છે.