Gujarat Local Body election 2026: મહાનગરપાલિકાની ચૂંટણીને લઈ ભાજપની સેન્સ પ્રક્રિયા
અમદાવાદ મહાનગરપાલિકાની ચૂંટણી લડવા દાવેદારોનો રાફડો ફાડ્યો છે.. 25 વોર્ડમાં ભાજપના નિરીક્ષકોએ ઉમેદવારોની સેન્સ લીધી. 7 અલગ-અલગ સ્થળોએ ચાલેલી કામગીરીમાં કાર્યકરોનો ભારે ધસારો જોવા મળ્યો. સૌથી વધુ ખેંચતાણ અમરાઈવાડીમાં જોવા મળી, જ્યાં 100થી વધુ કાર્યકરોએ દાવેદારી નોંધાવી. પશ્ચિમ વિસ્તારમાં ચાંદખેડામાં 80 અને સરખેજમાં 79 બાયોડેટા જમા થયા છે.સાબરમતી, શાહપુર અને નરોડા જેવા વોર્ડમાં સરેરાશ 50થી વધુ દાવેદારો મેદાને છે. પાલડીમાં 47 કાર્યકરોએ દાવો કર્યો, જ્યાં એક પૂર્વ ધારાસભ્યની પુત્રી માટે વિશેષ લોબિંગ ચર્ચાનું કેન્દ્ર બન્યું. નવરંગપુરા, વેજલપુર અને જોધપુર જેવા વિસ્તારોમાં 35થી 50 દાવેદારોએ ટિકિટ માંગી. નિરીક્ષકોએ તમામ મુરતિયાઓના બાયોડેટા મેળવી સ્થાનિક સમીકરણો ચકાસવાની કામગીરી પૂર્ણ કરી છે.જોકે, આજે પણ અન્ય વોર્ડ માટે સેન્સ પ્રક્રિયા ચાલી રહી છે.
સુરત મહાનગરપાલિકાની ચૂંટણીમાં ચૂંટણી લડવા માટે ભાજપમાં ફાટ્યો દાવેદારોનો રાફડો. ગઈકાલે બીજા દિવસે 12 વોર્ડની 48 બેઠકો માટે 778 દાવેદારોએ નોંધાવી દાવેદારી. સુરતમાં 2 દિવસમાં કૂલ 30 વોર્ડ પૈકી 25 વોર્ડમાં 1 હજાર 580 દાવેદારોના સેન્સ લેવાયા..
મહાનગરપાલિકાની ચૂંટણીને લઈ ભાજપની સેન્સ પ્રક્રિયા પૂરી થઈ. જેમાં વોર્ડ નંબર 19 વોર્ડની 76 બેઠક માટે 1 હજાર 434 લોકોએ દાવેદારી નોંધાવી છે. ભાજપના ગઢ સમાન વોર્ડ નં 12માં સૌથી વધુ 103, વોર્ડ નંબર 17 અને 18માં 101 દાવેદારોએ ચૂંટણી લડવાની ઈચ્છા વ્યક્ત કરી છે. તો વોર્ડ નંબર 13માં 60 અને વોર્ડ નંબર 1માં 69 દાવેદારો છે. કોંગ્રેસની બેઠકવાળા વોર્ડ નંબર 16માં સૌથી ઓછા 41 દાવેદારો છે...વોર્ડ નંબર 5માં 75માંથી 61 પુરુષ ટિકિટ માગી છે. હવે શહેરની સંકલનની બેઠક પછી પ્રદેશ સંકલનની બેઠકમાં આ નામોની ચર્ચા થશે.