Gujarat Rain Forecast : 4 વરસાદી સિસ્ટમ સક્રીય, 11 ઓગસ્ટે ભારે વરસાદની આગાહી

Gujarat Rain Forecast : 4 વરસાદી સિસ્ટમ સક્રીય, 11 ઓગસ્ટે ભારે વરસાદની આગાહી

છેલ્લા કેટલાક દિવસોથી વરસાદે વિરામ લેતા રાજ્યમાં ગરમી અને બફારાએ લોકોની મુશ્કેલી વધારી છે. પરંતુ ગરમીથી પરેશાન લોકો માટે હવે રાહતના સમાચાર છે. હવામાન વિભાગની લેટેસ્ટ આગાહી અનુસાર, ગુજરાતમાં ફરી એકવાર વરસાદી માહોલ જામવા જઈ રહ્યો છે. રાજ્ય પર એકસાથે 4 વરસાદી સિસ્ટમ સક્રિય થઈ છે, જેને પગલે આગામી દિવસોમાં ગાજવીજ અને પવન સાથે સાર્વત્રિક વરસાદની આગાહી કરવામાં આવી છે.

કઈ 4 સિસ્ટમ સક્રિય થઈ અને કેવું રહેશે હવામાન?

હાલમાં ગુજરાત પર લો પ્રેશર, મોનસૂન ટ્રફ, વેસ્ટર્ન ડિસ્ટર્બન્સ અને સાયક્લોનિક સર્ક્યુલેશન સક્રિય થયા છે. આ સિસ્ટમની અસરને કારણે આગામી 7 દિવસ સુધી રાજ્યભરમાં હળવાથી મધ્યમ વરસાદ પડવાની સંભાવના છે.

11 ઓગસ્ટે આ 5 જિલ્લાઓમાં 'યલો એલર્ટ'

આગામી 11 ઓગસ્ટના રોજ વરસાદનું જોર વધશે. હવામાન વિભાગે ઉત્તર અને મધ્ય ગુજરાતના કુલ 5 જિલ્લાઓમાં ભારે વરસાદની શક્યતા વ્યક્ત કરી છે. સાવચેતીના ભાગરૂપે આ વિસ્તારોમાં 'યલો એલર્ટ' (Yellow Alert) પણ જાહેર કરવામાં આવ્યું છે. આ જિલ્લાઓમાં નીચેના વિસ્તારોનો સમાવેશ થાય છે:

ઉત્તર ગુજરાત: અરવલ્લી

મધ્ય ગુજરાત: મહીસાગર, પંચમહાલ, દાહોદ અને છોટા ઉદેપુર

વરસાદ અને પવનની ગતિને ધ્યાનમાં રાખીને તંત્ર દ્વારા માછીમારોને આગામી દિવસોમાં દરિયો ન ખેડવાની કડક સૂચના પણ આપવામાં આવી છે.