Gir Somnath | સૂત્રાપાડા તાલુકામાં મેઘરાજાની તોફાની બેટિંગ, રસ્તાઓ પર ફરી વળ્યા પાણી

ગીર સોમનાથના સૂત્રાપાડા તાલુકામાં મેઘરાજાએ તોફાની બેટિંગ કરી છે. તાલુકાના પ્રશ્નાવાડા ગામમાં ધોધમાર વરસાદ વરસતા માત્ર થોડા સમયમાં જ 3 ઈંચ વરસાદ નોંધાયો છે. ભારે વરસાદના કારણે ગામના રસ્તાઓ પર પાણી ફરી વળ્યાં હતા, જેના કારણે વાહનચાલકોને અવરજવર કરવામાં મુશ્કેલી પડી હતી. બીજી તરફ આ વરસાદ ખેડૂતો માટે રાહતરૂપ સાબિત થયો છે. વાવણીલાયક વરસાદ મળતાં ખેતરોમાં પૂરતું ભેજ સર્જાયું છે અને ખેડૂતોમાં ખુશીનો માહોલ જોવા મળી રહ્યો છે. ગીર સોમનાથ જિલ્લામાં સતત બીજા દિવસે મેઘરાજા મન મૂકીને વરસ્યા છે. વહેલી સવારથી શરૂ થયેલા ધોધમાર વરસાદને કારણે સૂત્રાપાડામાં માત્ર બે કલાકમાં જ 3 ઈંચ વરસાદ નોંધાયો હતો.