Gujarat Rains Forecast : 25 જુન સુધી રાજ્યમાં ભારે વરસાદની હવામાન વિભાગે આગાહી

25 જુન સુધી રાજ્યમાં ભારે વરસાદની હવામાન વિભાગે આગાહી વ્યક્ત કરી છે. ત્યારે આજે દક્ષિણ ગુજરાતના વલસાડ, ભરૂચ, ડાંગ, સુરત અને નવસારી જિલ્લામાં ધોધમાર વરસાદ વરસ્યો. વલસાડના વાપીમાં છ ઈંચથી વધુ, તો પારડીમાં પાંચ ઈંચ, કપરાડા અને ધરમપુરાં ત્રણથી સાડા ઈંચ જેટલો વરસાદ વરસ્યો.. આ સિવાય રાજ્યના 92થી વધુ તાલુકામાં આજના દિવસે વરસાદ નોંધાયો.. હવામાન વિભાગની આગાહી મુજબ આજે નવસારી, વલસાડ, ડાંગ, દમણ, દાદરાનગર હવેલીમાં રેડ એલર્ટ જાહેર કરવામાં આવ્યું છે.. તો દાહોદ, મહીસાગર, ભરૂચ, સુરત અને તાપીમાં ઓરેન્જ, જ્યારે અમદાવાદ, ગાંધીનગર, અરવલ્લી, પંચમહાલ, આણંદ, વડોદરા, છોટાઉદેપુર, નર્મદા, બોટાદ, અમરેલી, ભાવનગર, ગીર સોમનાથ અને દીવમાં વરસાદનું યલો એલર્ટ જાહેર કરવામાં આવ્યું છે.. તો આવતીકાલે તાપી, ડાંગ, નવસારી, વલસાડ, દમણ અને દાદરાનગર હવેલીમાં વરસાદનું યલો એલર્ટ જાહેર કરવામાં આવ્યું છે.. ભારે વરસાદની આગાહીને પગલે ત્રણ દિવસ માછીમારોને દરિયો ન ખેડવા માટે પણ સૂચના આપવામાં આવી છે..