South Gujarat Rain Forecast : દક્ષિણ ગુજરાતમાં મેઘરાજા કરશે દે ધનાધન: હવામાન વિભાગની આગાહી

દેશના પૂર્વ ભાગમાં લો પ્રેશર સાથે સાયક્લોનિક સર્ક્યુલેશન, અપર એર સાયક્લોનિક સર્ક્યુલેશન, ટ્રફ લાઈન અને મોનસૂન ટ્રફ સક્રિય થયું છે. એક સાથે ચાર વરસાદી સિસ્ટમ સક્રિય થતા રાજ્યમાં મેઘરાજા બોલાવશે ધબધબાટી. ખાસ કરીને દક્ષિણ ગુજરાતમાં આગામી ત્રણ દિવસ અત્યંત ભારે વરસાદની હવામાન વિભાગે આગાહી કરી છે.. અત્યંત ભારે વરસાદની આગાહીને લઈને દક્ષિણ ગુજરાતના દરિયાકાંઠે ત્રણ નંબરનું સિગ્નલ લગાવી લેવામાં આવ્યું છે.. તો પાંચ દિવસ દક્ષિણ ગુજરાતના દરિયાકાંઠે 40થી 50 કિલોમીટર પ્રતિ કલાકની ઝડપે પવન ફુંકાઈ શકે છે. આજે ત્રણ જિલ્લામાં વરસાદનું રેડ એલર્ટ, જ્યારે 10 જિલ્લામાં વરસાદનું ઓરેન્જ એલર્ટ આપવામાં આવ્યું છે. તો 10 જિલ્લામાં પણ વરસાદનું યલો એલર્ટ જાહેર કરાયું છે.. આવતીકાલની વાત કરીએ તો દક્ષિણ ગુજરાતના નવસારી, ડાંગ, વલસાડની સાથે સંઘ પ્રદેશ દમણ અને દાદરાનગર હવેલીમાં અત્યંત ભારે વરસાદની શક્યતાને પગલે રેડ એલર્ટ આપવામાં આવ્યું. તો અમરેલી, બોટાદ, ભાવનગર, ભરૂચ, નર્મદા, સુરત, તાપી અને છોટા ઉદેપુરમાં ઓરેન્જ એલર્ટ આપવામાં આવ્યું..તો સૌરાષ્ટ્રના ગીર સોમનાથ, જૂનાગઢ, સુરેન્દ્રનગરની સાથે મધ્ય ગુજરાતના વડોદરા,આણંદ, પંચમહાલ, દાહોદ, મહીસાગર અને ખેડામાં વરસાદમાં યલો એલર્ટ જાહેર કરાયું છે.. તો અમદાવાદ અને ગાંધીનગરમાં પણ ગાજવીજ સાથે વરસાદનું યલો એલર્ટ જાહેર કરાયું છે..જ્યારે ઉત્તર ગુજરાતના અરવલ્લી, સાબરકાંઠા, મહેસાણા, પાટણ અને બનાસકાંઠા જિલ્લામાં વરસાદનું યલો એલર્ટ જાહેર કરાયું છે.. સંઘ પ્રદેશ દીવમાં પણ ભારે વરસાદની હવામાન વિભાગે આગાહી કરી છે.