Gujarat Rain Forecast: આજથી બે દિવસ મેઘરાજા બોલાવશે ધબધબાટી: હવામાન વિભાગની આગાહી

અપર એર સાયક્લોનિક સર્ક્યુલેશન અને ટ્રફ લાઈનને કારણે  હવામાન વિભાગે આજથી બે દિવસ રાજ્યમાં અત્યંત ભારે વરસાદની આગાહી કરી છે.. આજે નવસારી અને વલસાડ જિલ્લા માટે રેડ એલર્ટ, જ્યારે સુરત, તાપી અને ડાંગ માટે હવામાન વિભાગે ઓરેન્જ એલર્ટ આપ્યું છે.. જ્યારે 10 જિલ્લા માટે હવામાન વિભાગે આજે વરસાદનું યલો એલર્ટ આપ્યું છે.. તો આવતીકાલે દક્ષિણ ગુજરાતના નવસારી,વલસાડની સાથે સંઘ પ્રદેશ દમણ અને દાદરાનગર હવેલી માટે હવામાન વિભાગે રેડ એલર્ટ જાહેર કર્યું છે.. જ્યારે અરવલ્લી, મહીસાગર, પંચમહાલ, દાહોદ, છોટા ઉદેપુરની સાથે દક્ષિણ ગુજરાતના નર્મદા, સુરત, તાપી અને ડાંગ માટે હવામાન વિભાગે ઓરેન્જ એલર્ટ જાહેર કર્યુ.. જ્યારે અમદાવાદ, ગાંધીનગર, સાબરકાંઠા, આણંદ, ખેડા, વડોદરા અને ભરૂચ માટે યલો એલર્ટ જાહેર કરાયું છે. ભારે વરસાદની આગાહીને પગલે દક્ષિણ ગુજરાતના બંદરો પર ત્રણ નંબરનું સિગ્નલ જાહેર કરાયું છે.. જ્યારે માછીમારોને પણ આગામી ત્રણ દિવસ દરિયો ન ખેડવા સૂચના આપવામાં આવી છે.