Arvalli Rain : અરવલ્લી જિલ્લામાં જામ્યો વરસાદી માહોલ, જુઓ ક્યાં ક્યાં પડ્યો વરસાદ ?
Arvalli Rain : અરવલ્લી જિલ્લામાં જામ્યો વરસાદી માહોલ, જુઓ ક્યાં ક્યાં પડ્યો વરસાદ ?
અરવલ્લી જિલ્લામાં વરસાદી માહોલ જામ્યો. મેઘરજમાં ધોધમાર વરસાદ . અડધો કલાક માં દોઢ ઇંચ વરસાદ ખાબક્યો. વરસાદ થી આંબાવાડી વિસ્તારમાં પાણી ભરાયા. નવજીવન સોસાયટી અને ગાયત્રી સોસાયટી આગળ પાણી ભરાયા. વરસાદ પડતા વાતાવરણમાં ઠંડક પ્રસરી.
મોડાસા -શામળાજી હાઈવે પર ધોધમાર વરસાદ. ગાજણ, મરડીયા,ઈસરોલ પંથકમાં વરસાદ . લાંબા વિરામ બાદ વરસાદી માહોલ. વરસાદ વરસતા વાતાવરણ ઠંડુ બન્યું . ખેતી લાયક વરસાદ વરસતા ખેડૂતોમાં ખુશી . મગફળી , મકાઈ જેવા પાકોને મળશે જીવતદાન.
રાજ્યમાં આજે 39 તાલુકામાં વરસાદ વરસ્યો હતો. જેમાં સૌથી વધારે સાબરકાંઠાના વિજયનગરમાં પોણા 2 ઈંચ વરસાદ ખાબક્યો હતો. તે સિવાય અરવલ્લીના મેઘરજ તાલુકામાં 1.69 ઈંચ, અરવલ્લીના ભિલોડા તાલુકામાં પોણો ઈંચ, સુરત શહેરમાં પોણો ઈંચ, નવસારી શહેર અને જૂનાગઢના વંથલીમાં પોણો ઈંચ વરસાદ વરસ્યો હતો.
ભારે વરસાદના કારણે રાજ્યના 52 ડેમ હાઈએલર્ટ પર, 26 ડેમ એલર્ટ પર, 23 ડેમ વોર્નિંગ લેવલ પર છે. જ્યારે 31 ડેમ 100 ટકા ભરાઈ ગયા હતા. જ્યારે 70 ડેમમાં 70થી 100 ટકા, 36 ડેમમાં 50થી 70 ટકા, 37 ડેમમાં 25થી 50 ટકા જળસંગ્રહ થયો છે. આજે સવારે 9 વાગ્યાની સ્થિતિએ 2 સ્ટેટ હાઈવે બંધ થયા હતા. પંચાયતના 26 રસ્તા. એક નેશનલ હાઈવે બંધ રહ્યો હતો. રાજ્યમાં કુલ 29 રસ્તા બંધ થયા હતા.
અમરેલીના ધારી તથા ગીર કાંઠાના ગામમાં આજે ભારે પવન સાથે વરસાદ વરસ્યો હતો. ધારીના દલખાણિયા ગામે તો ધોધમાર વરસાદથી ગામના રસ્તા પર પાણી વહેતા થયા હતા. લાંબા વિરામ બાદ છેલ્લા બે દિવસથી મેઘરાજાની પધરામણીથી ખેડૂતોના સૂકાતા પાકને આંશિક જીવતદાન મળ્યું હતું. જૂનાગઢ શહેર તથા તાલુકામાં પણ જામ્યો વરસાદી માહોલ જામ્યો હતો.