Gujarat Heat Wave: ચૂંટણીમાં આકરી ગરમી સામે રક્ષણ આપતી વ્યવસ્થા

 

આગામી 26 એપ્રિલે સ્થાનિક સ્વરાજની ચૂંટણીનું મતદાન થવાનું છે. હવામાન વિભાગે 26 તારીખે 43 ડિગ્રી તાપમાન રહેવાની આગાહી કરી છે. ત્યારે આકરા તાપ અને ગરમીમાં મતદારોથી માંડીને ચૂંટણી સ્ટાફ માટે મંડપ અને મેડિકલ કીટ સહિતની જરુરી વ્યવસ્થા ઉભી કરવા જિલ્લા ચૂંટણી અધિકારીઓને આદેશ કરવામાં આવ્યો છે..  શુદ્ધ પીવાના પાણીની પૂરતી સગવડ અને તડકા સામે રક્ષણ માટે છાયડાની વ્યવસ્થા કરવા મતદાન મથક સ્થળે ઉપલબ્ધ કોરિડોર ગોઠવવા સૂચના અપાઈ.. જે જગ્યા પર મંડપની જરુર હોય ત્યાં મંડપની વ્યવસ્થા કરવા આદેશ આપવામાં આવ્યો.. સ્થાનિક સત્તામંડળના આરોગ્ય પ્રશાસન અથવા જિલ્લા આરોગ્ય પ્રશાસન મારફત જરુરી દવાઓ રાખવા અને ઓઆરએસની વ્યવસ્થા કરવા અને જરુરિયાત પ્રમાણે મોબાઈલ મેડિકલ ટીમ ગોઠવવા સૂચના અપાઈ.. અમદાવાદ કોર્પોરેશનની ચૂંટણીમાં કૂલ 4,257 મતદાન મથકો છે અને જેમાં 625 મતદાન મથકો ખાનગી માલિકીના મકાનોમાં છે. જ્યારે તાલુકા પંચાયતની ચૂંટણીમાં 1,126 અને નગરપાલિકામાં 132 મતદાન મથકો છે.