Gujarat Rain Forecast : ગુજરાતમાં આગામી 3 કલાકમાં ક્યાં ક્યાં તૂટી પડશે વરસાદ?

ગુજરાતમાં ચોમાસાની સક્રિયતા વચ્ચે હવામાન વિભાગે આગામી 3 કલાક માટે રાજ્યના વિવિધ ભાગોમાં વરસાદનું 'નાવકાસ્ટ' (તાત્કાલિક આગાહી) જારી કર્યું છે. આ આગાહી મુજબ, રાજ્યના મોટાભાગના જિલ્લાઓમાં મધ્યમથી હળવા વરસાદની શક્યતા છે, જેમાં કેટલાક વિસ્તારોમાં ભારે પવન સાથે ગાજવીજ પણ જોવા મળશે.

હવામાન વિભાગના જણાવ્યા અનુસાર, આગામી 3 કલાકમાં સાબરકાંઠા, અરવલ્લી, મહીસાગર, દાહોદ, પંચમહાલ, મહેસાણા, ગાંધીનગર, ખેડા, આણંદ, વડોદરા, છોટાઉદેપુર, ભરૂચ, નર્મદા, સુરત, તાપી, ડાંગ, નવસારી, વલસાડ, દાદરા નગર હવેલી, ભાવનગર, અમરેલી, ગીર સોમનાથ, જૂનાગઢ અને રાજકોટ જિલ્લાઓમાં ગાજવીજ સાથે મધ્યમ વરસાદની શક્યતા છે. આ વિસ્તારોમાં પવનની ગતિ 41 થી 61 કિલોમીટર પ્રતિ કલાક સુધી પહોંચી શકે છે, જે ખેડૂતો અને સ્થાનિક રહેવાસીઓ માટે સાવચેતી રાખવા સૂચવે છે.