Delhi Blast Case | દિવાળી પહેલા દિલ્હીમાં બ્લાસ્ટ, CRPF સ્કુલની બહાર ધડાકા; દુકાનોના કાચ તૂટ્યા
Delhi Blast Case | દિવાળી પહેલા દિલ્હીમાં બ્લાસ્ટ, CRPF સ્કુલની બહાર ધડાકા; દુકાનોના કાચ તૂટ્યા
દિલ્હીના રોહિણીના પ્રશાંત વિહાર વિસ્તારમાં વિસ્ફોટનો અવાજ સંભળાયા બાદ ગભરાટ ફેલાયો હતો. અહીં CRPF સ્કૂલની દિવાલ પર વિસ્ફોટનો અવાજ સંભળાયો છે. વિસ્ફોટ બાદ ધુમાડાના ગોટેગોટા જોવા મળ્યા હતા. માહિતી મળતા જ પોલીસ અને એફએસએલની ટીમ ઘટનાસ્થળે પહોંચી ગઈ હતી. પોલીસે જણાવ્યું કે નિષ્ણાતોને બોલાવવામાં આવ્યા છે. માત્ર તેઓ જ કહી શકશે કે વિસ્ફોટ શાના કારણે થયો અને કેવી રીતે થયો. આગના ભયને કારણે ફાયર બ્રિગેડની ટીમ ઘટનાસ્થળે પહોંચી ગઈ છે.
રાહતની વાત એ છે કે આ અકસ્માતમાં કોઈને ઈજા થવાના સમાચાર નથી. ક્રાઈમ બ્રાંચની ટીમ તપાસ માટે ઘટના સ્થળે પહોંચી ગઈ છે. ફોરેન્સિક સાયન્સ લેબોરેટરીની ટીમ પણ ઘટનાની તપાસ કરી રહી છે. સૂત્રોના જણાવ્યા અનુસાર વિસ્ફોટ એટલો જોરદાર હતો કે નજીકમાં પાર્ક કરાયેલા વાહનોના કાચ તૂટી ગયા હતા. વહેલી સવારે વિસ્ફોટનો અવાજ સાંભળીને લોકો ભયભીત થઈ ગયા હતા. દિલ્હી પોલીસના જણાવ્યા અનુસાર, જ્યાં આ ઘટના બની તે વિસ્તારને હાલમાં સીલ કરી દેવામાં આવ્યો છે. તપાસ કરવામાં આવી રહી છે.