Gram Panchayat Election 2025 : ગ્રામ પંચાયત માટે મતદાન શરૂ | Abp Asmita

Gram Panchayat Election 2025 : ગ્રામ પંચાયત માટે મતદાન શરૂ | Abp Asmita

ગુજરાત રાજ્યમાં રવિવાર (22 જૂન) ના રોજ ગ્રામ પંચાયતોની ચૂંટણી માટે મતદાન યોજાશે. રવિવારે સવારે 7 થી સાંજે 6 વાગ્યા સુધી યોજાનાર આ મતદાનમાં લગભગ 81 લાખ મતદારો પોતાના મતાધિકારનો ઉપયોગ કરશે. આ ચૂંટણીઓના પરિણામો 25 જૂનના રોજ જાહેર કરવામાં આવશે.

રવિવારે યોજાનારી આ ચૂંટણીઓમાં કેટલીક જગ્યાએ રદબાતલની જાહેરાત કરવામાં આવી છે. કડી અને વિસાવદર વિધાનસભાની પેટા ચૂંટણીઓના કારણે કડી, જોટાણા, ભેંસાણ, વિસાવદર, જૂનાગઢ ગ્રામ્ય અને બગસરા તાલુકાઓમાં ગ્રામ પંચાયત ચૂંટણીઓ રદ કરવામાં આવી છે.          

ચૂંટણી પંચના ડેટા અનુસાર, કુલ 4564 ગ્રામ પંચાયતોમાંથી 751 પંચાયતો બિનહરીફ જાહેર કરવામાં આવી છે, જ્યારે 272 પંચાયતોમાં નામાંકન ન થવાને કારણે બેઠકો ખાલી રહી છે. આમ, કુલ 3541 પંચાયતોમાં સામાન્ય, વિભાગીય અને મધ્યસત્ર ચૂંટણીઓ માટે અને 353 પંચાયતોમાં પેટાચૂંટણીઓ માટે મતદાન યોજાશે. રાજ્યભરમાં કુલ 3656 સરપંચ અને 16,224 સભ્યો ચૂંટાશે.