Rajkot Unseasonal Rains : રાજકોટમાં કરા સાથેના વરસાદથી ખેડૂતોના જીવ ચોંટ્યા તાળવે

રાજકોટ શહેર અને જિલ્લાના ગ્રામ્ય વિસ્તારોમાં પણ વરસ્યો કમોસમી વરસાદ.. કુવાડવા રોડ, રાજકોટ-અમદાવાદ હાઈવે પર કરા સાથે વરસાદ વરસતા વાહન ચાલકોને ભારે હાલાકીનો સામનો કરવો પડ્યો. લોધિકા તાલુકાના ગ્રામ્ય વિસ્તાર અને ખીરસરા અને આસપાસના ગ્રામ્ય વિસ્તારોમાં પણ કમોસમી વરસાદ વરસતા ખેડૂતોની ચિંતા વધી.. બાલાસર અને આસપાસના ગ્રામ્ય વિસ્તારોમાં કરા સાથે વરસાદ વરસ્યો. તો મેટોડા જીઆઈડીસી અને આસપાસના વિસ્તારોના ખેડૂતોને પણ માવઠાનો માર સહન કરવાનો વારો આવ્યો.

ઉનાળાના ગરમીના માહોલ વચ્ચે રાજકોટ શહેર અને આસપાસના વિસ્તારોમાં આજે અચાનક વાતાવરણમાં પલટો આવ્યો હતો. શહેરના અલગ અલગ રાજમાર્ગો પર કમોસમી વરસાદના હળવા છાંટા પડ્યા હતા, જેનાથી વાતાવરણમાં થોડી ઠંડક પ્રસરી હતી. શહેરના યાજ્ઞિક રોડ, ગોંડલ રોડ, કાલાવડ રોડ સહિતના વિસ્તારોમાં વરસાદી છાંટા પડ્યા હતા, જેના કારણે રસ્તાઓ પર ભીનાશ જોવા મળી હતી. શહેર ઉપરાંત, રાજકોટ જિલ્લાના ગ્રામ્ય વિસ્તારોમાં પણ વાતાવરણમાં પલટો આવ્યો હતો અને કેટલાક વિસ્તારોમાં સામાન્ય વરસાદી ઝાપટા પડ્યા હતા. જોકે, આ હળવા વરસાદી ઝાપટા હાલ રાહતરૂપ લાગી રહ્યા છે, પરંતુ ખેડૂતો માટે ચિંતાનો વિષય પણ બન્યા છે.