Surat Daughter In Law Attack : વૃદ્ધ સાસુને માર મારનાર વહુએ હાથ જોડી માફી માંગી શું કહ્યું?

Surat Daughter In Law Attack : વૃદ્ધ સાસુને માર મારનાર વહુએ હાથ જોડી માફી માંગી શું કહ્યું?

સુરતમાં એક અત્યંત કાળજું કંપાવનારી ઘટના સામે આવી છે. પુણા વિસ્તારની માતૃશક્તિ સોસાયટીમાં ૮૦ વર્ષીય વૃદ્ધ અને અશક્ત સાસુને તેમની વહુ દ્વારા ઢોર માર મારવાનો વીડિયો વાયરલ થયો છે. આ ઘટનાએ સમગ્ર વિસ્તારમાં ચકચાર મચાવી દીધી છે. જોકે, આ વીડિયો વાયરલ થયા બાદ વહુએ મીડિયા સામે માફી માંગી હતી અને કહ્યું હતું કે, મેં જવાબ આપી દીધો છે. ઈશ્વરને આધીન હું જવાબ આપું છું કે મેં મારી એક ભૂલ કરી છે એ કરી છે. બાકી હવે ભૂલ નહીં કરું અને મારા સાસુ છે એ મારી માં કરતા વિશેષ છે, એને હું મોકલીશ નહીં આશ્રમ.

ઘટનાની વિગતો

૮૦ વર્ષીય શાંતાબેન શેલડીયાને તેમની વહુ સરસ્વતી શેલડીયા નિર્દયતાથી માર મારી રહી હતી. પાડોશમાં રહેતા એક જાગૃત નાગરિકે વહુની આ કરતૂત પોતાના મોબાઈલ કેમેરામાં કેદ કરી લીધી હતી. આ વીડિયો વાયરલ થતાં જ વહુની નિષ્ઠુરતાનો ભાંડો ફૂટી ગયો. વીડિયોમાં સ્પષ્ટ જોઈ શકાય છે કે વૃદ્ધ સાસુના શરીર પર કપડાં પણ ન હતા અને વહુ તેમને માર મારીને હાથથી પકડીને ઢસડી રહી હતી. તેઓ પલંગ પરથી નીચે પડી ગયા હોવા છતાં વહુને તેમના પર દયા ન આવી.