સુરતના કરંજ GIDCમાં સ્ટેટ મોનીટરિંગ સેલે શંકાસ્પદ બાયો ડિઝલનું કારખાનું ઝડપી પાડ્યું

સુરતના માંડવી તાલુકામાં કરંજ જીઆઈડીસીમાં સ્ટેટ મોનીટરીંગ સેલે દરોડા પાડ્યા હતા. જ્યાંથી શંકાસ્પદ બાયોડીઝલ બનાવતું કારખાનું ઝડપાયુ હતું અને આ ગુજરાતનું સૌથી મોટું બાયો ડીઝલ કૌભાંડ ઝડપાયું હોવાની આશંકા છે. અલગ અલગ કેમિકલને પ્રોસેસ કરી શંકાસ્પદ બાયોડીઝલ બનાવાઈ રહ્યું હતું . રાત્રે 12 વાગ્યાથી દરોડાની કાર્યવાહી ચાલી રહી છે અને અત્યાર સુધી 5થી વધુ ટેંકરો અને મોટી માત્રામાં કેમિકલ ઝડપાયુ છે. બે દિવસ અગાઉ હાઇવે પર ઝડપાયેલા બાયો ડીઝલ પમ્પ પરથી માહિતી મેળવી આ કાર્યવાહી કરવામાં આવી છે.