Surat Daughter In Law Attack : માનવતા શર્મસાર , વહુએ વૃદ્ધ સાસુને પહેલા લાત મારી પછી ઢસડી

Surat Daughter In Law Attack : માનવતા શર્મસાર , વહુએ વૃદ્ધ સાસુને પહેલા લાત મારી પછી ઢસડી

સુરતમાં એક અત્યંત કાળજું કંપાવનારી ઘટના સામે આવી છે. પુણા વિસ્તારની માતૃશક્તિ સોસાયટીમાં ૮૦ વર્ષીય વૃદ્ધ અને અશક્ત સાસુને તેમની વહુ દ્વારા ઢોર માર મારવાનો વીડિયો વાયરલ થયો છે. આ ઘટનાએ સમગ્ર વિસ્તારમાં ચકચાર મચાવી દીધી છે.

ઘટનાની વિગતો

૮૦ વર્ષીય શાંતાબેન શેલડીયાને તેમની વહુ સરસ્વતી શેલડીયા નિર્દયતાથી માર મારી રહી હતી. પાડોશમાં રહેતા એક જાગૃત નાગરિકે વહુની આ કરતૂત પોતાના મોબાઈલ કેમેરામાં કેદ કરી લીધી હતી. આ વીડિયો વાયરલ થતાં જ વહુની નિષ્ઠુરતાનો ભાંડો ફૂટી ગયો. વીડિયોમાં સ્પષ્ટ જોઈ શકાય છે કે વૃદ્ધ સાસુના શરીર પર કપડાં પણ ન હતા અને વહુ તેમને માર મારીને હાથથી પકડીને ઢસડી રહી હતી. તેઓ પલંગ પરથી નીચે પડી ગયા હોવા છતાં વહુને તેમના પર દયા ન આવી.