PM Modi In Japan: જાપાન ઈકોનોમીક ફોરમમાં PM મોદીનું સંબોધન

જાપાન પહોંચ્યા પછી, પ્રધાનમંત્રી નરેન્દ્ર મોદીએ શુક્રવારે (29 ઓગસ્ટ) કહ્યું કે, જાપાન હંમેશા ભારતની વિકાસ યાત્રામાં એક મહત્વપૂર્ણ ભાગીદાર રહ્યું છે. તેમણે કહ્યું કે મેટ્રોથી લઈને ઉત્પાદન, સેમિકન્ડક્ટરથી લઈને સ્ટાર્ટઅપ્સ સુધીના દરેક ક્ષેત્રમાં આપણી ભાગીદારી પરસ્પર વિશ્વાસનું પ્રતીક બની ગઈ છે. તેઓ તેમની બે દિવસીય મુલાકાત દરમિયાન ભારત-જાપાન આર્થિક મંચમાં હાજરી આપવા જાપાન પહોંચ્યા હતા. પ્રધાનમંત્રી મોદીની આ જાપાન મુલાકાત ઘણી રીતે ખાસ રહેવાની છે.

પ્રધાનમંત્રી મોદીએ કહ્યું, "હું આજે સવારે ટોક્યો પહોંચ્યો છું. મને ખૂબ આનંદ છે કે, મારી મુલાકાત વ્યાપાર જગતના દિગ્ગજો સાથે શરૂ થઈ રહી છે. તમારામાંથી ઘણા એવા છે જેમની સાથે મારો અંગત પરિચય છે, જ્યારે હું ગુજરાતમાં હતો અને જ્યારે હું દિલ્હી આવ્યો ત્યારે પણ." તેમણે કહ્યું, "જાપાન હંમેશા ભારતની વિકાસ યાત્રામાં એક મહત્વપૂર્ણ ભાગીદાર રહ્યું છે. મેટ્રોથી લઈને ઉત્પાદન, સેમિકન્ડક્ટરથી લઈને સ્ટાર્ટઅપ્સ સુધીના દરેક ક્ષેત્રમાં આપણી ભાગીદારી પરસ્પર વિશ્વાસનું પ્રતીક બની ગઈ છે."