Train Hijack: 104 બંધકોને છોડાવ્યાનો પાકિસ્તાનનો દાવો, બલૂચ આર્મીએ 30 સૈનિકોને માર્યાનો કર્યો દાવો

Pakistan Train Hijack: 104 બંધકોને છોડાવ્યાનો પાકિસ્તાનનો દાવો, બલૂચ આર્મીએ 30 સૈનિકોને માર્યાનો કર્યો દાવો

પાકિસ્તાની અધિકારીઓનો અંદાજ છે કે BLA પાસે લગભગ 3,000 લડાકુઓ છે. BLA વારંવાર પાકિસ્તાની સુરક્ષા દળોને નિશાન બનાવે છે. પાકિસ્તાનના બલુચિસ્તાનમાં બલૂચ લિબરેશન આર્મીએ જાફર એક્સપ્રેસ ટ્રેનનું અપહરણ કર્યું. આ ટ્રેન બલુચિસ્તાનના ક્વેટાથી ખૈબર પખ્તુનખ્વાના પેશાવર જઈ રહી હતી. બલૂચ લિબરેશન આર્મીએ આ હુમલાની જવાબદારી સ્વીકારી હતી અને કહ્યું હતું કે તેણે સુરક્ષા દળો સાથે ટ્રેનમાંથી લોકોને બંધક બનાવ્યા હતા. આ ઓપરેશનમાં 30 સૈનિકોને માર્યા હોવાનો દાવો કર્યો છે.           

બલૂચ લિબરેશન આર્મીના આતંકવાદીઓએ પણ પાકિસ્તાન સરકારને 48 કલાકનું અલ્ટીમેટમ આપ્યું છે અને કહ્યું છે કે આ સમય દરમિયાન તેણે તેમના લડવૈયાઓને મુક્ત કરવા જોઈએ અને બંધકોની આપ-લે કરવી જોઈએ અને આ નિર્ણય બદલાશે નહીં. આ હાઇજેકિંગ ક્યારે, કેવી રીતે અને ક્યાં થયું.