દેશમાં વધતા જતા વાયુ પ્રદૂષણને નિયંત્રિત કરવા માટે સરકાર સમયાંતરે વાહન નિયમોમાં ફેરફાર કરે છે.

આ નિયમોમાં સૌથી મહત્વપૂર્ણ પોલ્યુશન અંડર કંટ્રોલ સર્ટિફિકેટ (PUC) છે. જે પ્રમાણિત કરે છે કે વાહનનું ઉત્સર્જન નિર્ધારિત ધોરણોની અંદર છે.

હાલના વાહનો માટે PUC પ્રમાણપત્ર એક વર્ષ માટે માન્ય છે ત્યારબાદ ફરીથી તપાસ કરાવવી પડે છે. હવે કેન્દ્ર સરકારે BS6 ટેકનોલોજીથી ધરાવતા વાહનોને નોંધપાત્ર રાહત આપવાની તૈયારી કરી છે.

સરકારે PUC સર્ટિફિકેટની માન્યતા વધારવાનો પ્રસ્તાવ મૂકતો ડ્રાફ્ટ નોટિફિકેશન જાહેર કર્યો છે. જો આ દરખાસ્ત લાગુ કરવામાં આવે તો લાખો વાહન માલિકો માટે વારંવાર PUC કરવાની જરૂરિયાત દૂર થશે.

સરકારનું માનવું છે કે BS6 વાહનો પહેલાથી જ નવા એન્જિન અને સુધારેલા ઉત્સર્જન નિયંત્રણ પ્રણાલીઓ સાથે આવે છે

જેના કારણે તેઓ જૂના વાહનો કરતાં નોંધપાત્ર રીતે ઓછું પ્રદૂષણ ફેલાવે છે. નવા BS6 વાહનો માટે PUC પ્રમાણપત્રોની માન્યતા અવધિ લંબાવવાનો પ્રસ્તાવ મૂકવામાં આવ્યો છે.

ડ્રાફ્ટ નિયમો અનુસાર, છ વર્ષ સુધીના BS6 વાહનો માટે PUC પ્રમાણપત્રની માન્યતા ત્રણ વર્ષ સુધી વધારવાનો પ્રસ્તાવ છે.

આનો અર્થ એ થયો કે જો તમે નવું BS6 વાહન ખરીદો છો તો પહેલા છ વર્ષ સુધી દર વર્ષે PUC લેવાની જરૂર રહેશે નહીં. એકવાર જાહેર કર્યા પછી PUC પ્રમાણપત્ર ત્રણ વર્ષ માટે માન્ય રહેશે.

આ પછી જ્યારે 6 થી 10 વર્ષ જૂનું થાય છે ત્યારે તેનું PUC દર વર્ષે રિન્યુ કરાવવાની જરૂર પડશે.

જોકે, 10 વર્ષથી વધુ જૂના BS6 વાહનો માટે નિયમો વધુ કડક હશે. આવા વાહનો માટે દર છ મહિને PUC મેળવવું ફરજિયાત રહેશે

સરકારે આ ફેરફાર ફક્ત BS6 વાહનો માટે જ પ્રસ્તાવિત કર્યો છે. જૂના વાહનોનું પહેલાની જેમ પછીની તારીખે નિરીક્ષણ કરવાની જરૂર પડશે.

BS4 વાહનો માટે PUC દર છ મહિને મેળવવાની જરૂર પડશે. BS1, BS2 અને BS3 વાહનો માટે PUC ની માન્યતા ફક્ત 3 મહિના સુધી રાખવાનો પ્રસ્તાવ છે.