Rain: ચોમાસાના વરસાદના હોય છે 12 પ્રકાર, તમે જાણો છો ?

વરસાદને 'બારે માસ ખાંગા' કેમ કહે છે, જાણો વરસાદના 12 પ્રકાર

ગુજરાતી લોક્સાહિત્યમાં 12 પ્રકારના મેઘનું વર્ણન કરવામાં આવ્યું છે

1 ફરફરઃ - જેનાથી માત્ર હાથપગના રૂંવાડા જ ભીના થાય તેવો વરસાદ

2 છાંટાઃ - ફરફરથી વધુ વરસાદ

3 ફોરાઃ - છાંટાથી વધુ- મોટા ટીપાંવાળો વરસાદ

4 કરાઃ - ફોરાથી વધુ પણ જેનું તરત જ બરફમાં રૂપાંતર થઈ જાય તેવો વરસાદ

5 પછેડીવાઃ - પછેડી (ફેંટા જેવા સાથે રખાતા કપડાની ટુકડો)થી રક્ષણ થાય તેવો વરસાદ

6 નેવાધારઃ - છાપરાના નેવા ઉપરથી (નળીયા ઉપરથી) પાણી વહે તેવો વરસાદ

7 મોલ મેહઃ - મોલ એટલે પાકને જરૂરી હોય તેવો વરસાદ

8 અનરાધારઃ - એક છાંટો, બીજા છાંટાને સ્‍પર્શી જાય અને ધાર પડે તેવો વરસાદ

9 મૂશળધારઃ અનારાધારથી તીવ્ર વરસાદ (મુશળ = સાંબેલું). આને સાંબેલાધાર વરસાદ પણ કહે છે

10 ઢેફાભાંગઃ - વરસાદની તીવ્રતાથી ખેતરોમાં માટીના ઢેફા નરમ થઈ તૂટી જાય તેવો વરસાદ

11 પાણ મેહઃ - ખેતરો પાણીથી છલોછલ ભરાઇ જાય, કૂવાના પાણી ઉપર આવી જાય તેવો વરસાદ

12 હેલીઃ - ઉપરના અગિયાર પ્રકારના વરસાદમાંથી કોઈને કોઈ વરસાદ સતત એક અઠવાડીયું ચાલે તેને હેલી કહેવામાં આવે છે

all photos@social media