બદલાતી જીવનશૈલી અને ખોટી ખાણીપીણીને કારણે ડાયાબિટીસ હવે 'સાયલન્ટ કિલર' બની રહ્યો છે.

તે અચાનક આવવાને બદલે 'પ્રી-ડાયાબિટીસ'ના તબક્કામાંથી ધીમે-ધીમે ગંભીર સ્વરૂપ ધારણ કરે છે.

જો નાની ઈજા કે ઘાને રૂઝાતા સામાન્ય કરતા વધુ સમય લાગે, તો તે હાઈ બ્લડ શુગરનો સ્પષ્ટ સંકેત છે.

લોહીમાં શુગર વધતા કિડની પર દબાણ વધે છે, જેના કારણે વારંવાર પેશાબ જવાની સમસ્યા રહે છે.

વારંવાર પેશાબ જવાથી શરીરમાં પાણી ઘટે છે, પરિણામે સતત ગળું સુકાય છે અને વધુ તરસ લાગે છે.

પૂરતી ઊંઘ લીધા પછી પણ જો સતત થાક કે નબળાઈ અનુભવાય, તો તે ઇન્સ્યુલિન રેઝિસ્ટન્સ હોઈ શકે છે.

જીવનશૈલીમાં ફેરફાર વગર વજનમાં અચાનક વધારો કે ઘટાડો થવો એ ચિંતાનો વિષય છે.

હાઈ બ્લડ શુગર આંખના લેન્સ પર અસર કરે છે, જેના કારણે દ્રષ્ટિ ધૂંધળી થઈ શકે છે.

વારંવાર યુરિન ઈન્ફેક્શન, શરદી કે પેઢામાં સોજા આવવા એ નબળી રોગપ્રતિકારક શક્તિ દર્શાવે છે.

ગંભીર મુશ્કેલીથી બચવા માટે આ લક્ષણો દેખાતા જ સમયસર શુગરની તપાસ કરાવી લેવી હિતાવહ છે.