પોષક તત્વોથી ભરપૂર બીટનો જ્યુસ સ્વાસ્થ્ય માટે વરદાન હોવા છતાં તે દરેક વ્યક્તિ માટે ફાયદાકારક નથી.

તેમાં રહેલા ફોલેટ, પોટેશિયમ અને વિટામિન-સી ભલે ગુણકારી હોય, પરંતુ અમુક સમસ્યાઓમાં તે મુશ્કેલી વધારી શકે છે.

કિડની સ્ટોન (પથરી) ની સમસ્યા ધરાવતા દર્દીઓએ ભૂલથી પણ બીટનો જ્યુસ પીવાનું ટાળવું જોઈએ.

બીટમાં 'ઓક્સલેટ' નામનું તત્વ મોટી માત્રામાં હોય છે, જે પથરીની સમસ્યાને વધુ ગંભીર બનાવી શકે છે.

જે લોકોનું બ્લડ પ્રેશર હંમેશા લો (ઓછું) રહેતું હોય, તેમના માટે બીટનો રસ ખૂબ નુકસાનકારક સાબિત થઈ શકે છે.

બીટ કુદરતી રીતે બીપી ઘટાડતું હોવાથી તે હાઈ બીપીના દર્દીઓ માટે સારું છે, પણ લો બીપીના દર્દીઓ માટે નહીં.

નબળી પાચન શક્તિ ધરાવતા અને વારંવાર પેટમાં ગરબડ રહેતી હોય તેવા લોકોએ આ જ્યુસથી દૂર રહેવું જોઈએ.

નબળું પાચન ધરાવતા લોકોને બીટના જ્યુસથી પેટમાં ગેસ અથવા પેટ ફૂલવા (બ્લોટિંગ) ની સમસ્યા થઈ શકે છે.

એલર્જીની તકલીફવાળા લોકોને બીટનો રસ પીવાથી શરીર પર ખંજવાળ, ચામડી લાલ થવી કે ઉલટી-ઉબકા થઈ શકે છે.

આ એક સામાન્ય માહિતી છે, ડાયેટમાં કોઈપણ ફેરફાર કરતા પહેલા હંમેશા નિષ્ણાત ડૉક્ટરની સલાહ લેવી હિતાવહ છે.