શિયાળામાં મળતા ગાજરને સ્વાસ્થ્ય, ત્વચા અને વાળ માટે 'સુપરફૂડ' માનવામાં આવે છે.

પ્રખ્યાત ડોક્ટર એરિક બર્ગના મતે, સતત 30 દિવસ સુધી ગાજરનો જ્યૂસ પીવાથી શરીરમાં અનેક સકારાત્મક ફેરફારો થાય છે.

પાચન સુધારે છે: ગાજરમાં ફાઇબરની માત્રા સારી હોય છે, જે આંતરડાને સાફ રાખે છે અને પાચનતંત્રને મજબૂત બનાવે છે.

કબજિયાતમાં રાહત: જો તમને કબજિયાતની સમસ્યા હોય, તો ગાજરનો જ્યૂસ પીવાથી તેમાં ખૂબ જ ફાયદો થાય છે.

આંખો માટે વરદાન: તેમાં રહેલું 'બીટા કેરોટીન' વિટામિન A માં ફેરવાય છે, જે ડ્રાય આઈઝની સમસ્યા દૂર કરી આંખોનું તેજ વધારે છે.

વૃદ્ધત્વ ધીમું પાડે છે: ગાજરના એન્ટી-ઓક્સિડન્ટ્સ શરીરના કોષોને હેલ્ધી રાખે છે, જેના કારણે ઉંમર વધવાના લક્ષણો જલ્દી દેખાતા નથી.

ત્વચા પર કુદરતી ચમક: 30 દિવસ સુધી જ્યૂસ પીવાથી ચહેરા પર નેચરલ ગ્લો આવે છે અને ખીલ કે ડાઘ-ધબ્બા દૂર થાય છે.

ઇમ્યુનિટી બૂસ્ટર: તે શરીરની રોગપ્રતિકારક શક્તિ વધારે છે અને ઓક્સીડેટિવ સ્ટ્રેસ ઘટાડે છે.

સાવચેતી: ગાજરમાં નેચરલ સુગર હોય છે, તેથી તેનું સેવન હંમેશા સીમિત માત્રામાં જ કરવું જોઈએ.

તમે લાલ કે કેસરી (ઓરેન્જ) એમ બંનેમાંથી કોઈપણ પ્રકારના ગાજરનો ઉપયોગ કરી શકો છો.