કબજિયાત એક સામાન્ય સમસ્યા છે, પરંતુ જો ધ્યાન ન આપવામાં આવે તો તે અનેક ગંભીર બીમારીઓનું કારણ બની શકે છે.

ઘણા લોકો ટોયલેટમાં 20-30 મિનિટ સુધી બેસી રહેવા છતાં પેટ સાફ ન થવાની ફરિયાદ કરે છે.

દવાઓ લેવાને બદલે કેટલાક નેચરલ ઘરેલું ઉપાયો અને આદતોમાં ફેરફાર કરીને આ સમસ્યા હલ કરી શકાય છે.

સાચી પોઝિશન: ટોયલેટ સીટ પર બેસતી વખતે પગની નીચે એક નાનું સ્ટૂલ મૂકવું જોઈએ.

આમ કરવાથી ઘૂંટણ ઉપર રહે છે અને આંતરડા પર કુદરતી દબાણ આવે છે, જેથી પેટ સરળતાથી સાફ થાય છે.

ભરપૂર પાણી પીવો: દિવસ દરમિયાન ઓછામાં ઓછું 8 ગ્લાસ પાણી પીવું સ્વાસ્થ્ય માટે અનિવાર્ય છે.

ઓછું પાણી પીવાથી મળ (સ્ટૂલ) સખત થઈ જાય છે, જેના કારણે ટોયલેટમાં જોર કરવું પડે છે.

હુંફાળું પાણી: નિયમિતપણે હુંફાળું ગરમ પાણી પીવાથી આંતરડાની મૂવમેન્ટ સુધરે છે અને કબજિયાતમાં રાહત મળે છે.

નિયમિત કસરત: જો પાચનતંત્ર નબળું હોય, તો દરરોજ કસરત કરવાની આદત પાડવી જોઈએ.

કસરત કરવાથી પાચનક્રિયા સક્રિય થાય છે અને પેટ સાફ થવામાં મદદ મળે છે.