જ્યારે લિવરમાં જરૂરિયાત કરતાં વધુ ચરબી જમા થાય છે, ત્યારે તે સ્થિતિને 'ફેટી લિવર' કહેવામાં આવે છે.

શરૂઆતના તબક્કામાં ફેટી લિવરના લક્ષણો સરળતાથી પકડાતા નથી, પરંતુ ધીમે ધીમે તે લિવરના કામકાજને અસર કરે છે.

મુખ્ય કારણો: વધુ પડતું વજન (સ્થૂળતા), દારૂનું સેવન, ખરાબ આહાર, હાઈ શુગર અને કોલેસ્ટ્રોલ તેના મુખ્ય કારણો છે.

સૌથી સામાન્ય લક્ષણ: ડોક્ટરના મતે, સતત થાક લાગવો અને શરીરમાં નબળાઈ અનુભવાવી એ ફેટી લિવરનું સૌથી પહેલું અને સામાન્ય લક્ષણ છે.

મોટાભાગના લોકો આ થાક અને નબળાઈના સંકેતને અવગણી દે છે.

પેટમાં દુખાવો: પેટના ઉપરના ભાગમાં, ખાસ કરીને જમણી બાજુ (જ્યાં લિવર આવેલું હોય છે) હળવો દુખાવો કે ભારેપણું અનુભવાય છે.

આ દુખાવો લિવરમાં સોજો આવવાનો અથવા ચરબી જમા થવાનો સંકેત હોઈ શકે છે.

વજનમાં ફેરફાર: કેટલાક કિસ્સાઓમાં, અચાનક ઝડપથી વજન વધવા લાગે છે અથવા ક્યારેક કોઈ કારણ વગર જ વજન ઘટવા માંડે છે.

ત્વચા પર અસર: ચામડી અને આંખોમાં હળવી પીળાશ દેખાવી એ પણ લિવરની સમસ્યાનો એક સંકેત હોઈ શકે છે.

જો તમને આમાંથી કોઈ પણ લક્ષણ જણાય, તો તેને સામાન્ય ગણીને અવગણવાને બદલે તાત્કાલિક ડોક્ટરની સલાહ લેવી હિતાવહ છે.