આયુર્વેદિક ડોક્ટરોના મતે, શિયાળાની ઋતુમાં લસણ એક સામાન્ય મસાલો નહીં, પણ 'દવા' તરીકે કામ કરે છે, જે શરીરને અંદરથી મજબૂત બનાવે છે.

લસણમાં 'એલિસિન' નામનું સલ્ફર કમ્પાઉન્ડ હોય છે, જે ઔષધીય ગુણધર્મો ધરાવે છે અને આયુર્વેદ તેને 'કુદરતી એન્ટિબાયોટિક' માને છે.

શરદી-ખાંસીમાં રાહત: શિયાળામાં સવારે ખાલી પેટે લસણની 1-2 કાચી કળી ચાવવાથી રોગપ્રતિકારક શક્તિ મજબૂત થાય છે અને તે વાયરસ-બેક્ટેરિયા સામે લડે છે.

શરીરને ડિટોક્સ કરે છે: લસણનું નિયમિત સેવન શરીરમાંથી હાનિકારક પદાર્થો (ટોક્સિન્સ) ને બહાર કાઢવામાં મદદ કરે છે, એટલે કે તે શરીરના ખૂણે-ખૂણેથી ગંદકી સાફ કરે છે.

હૃદય માટે વરદાન: તે હાઈ કોલેસ્ટ્રોલ અને બ્લડ પ્રેશરને નિયંત્રિત કરવામાં મદદ કરે છે. ડોકટરોના મતે, દરરોજ બે કળી ખાવાથી હૃદય રોગનું જોખમ ઘટી શકે છે.

પાચન સુધારે છે: રાત્રે નવશેકા પાણી સાથે લસણ ખાવાથી પેટ સાફ રહે છે અને શિયાળામાં થતી પેટ ફૂલવા (Bloating) કે કબજિયાતની સમસ્યામાં રાહત મળે છે.

વજન ઘટાડવામાં મદદરૂપ: લસણ શરીરનું ચયાપચય (મેટાબોલિઝમ) વધારે છે અને ચરબી બર્ન કરવામાં મદદ કરે છે. (સવારે ગરમ પાણી અને લીંબુ સાથે લેવાથી વધુ ફાયદો થાય છે).

ત્વચા પર ચમક લાવે છે: તેના એન્ટીઑકિસડન્ટ ગુણો શરીરને ડિટોક્સ કરીને ખીલ, કરચલીઓ અને વાળ ખરતા ઘટાડવામાં મદદ કરે છે, જેનાથી ત્વચા પર ચમક આવે છે.

કેવી રીતે સેવન કરવું: તમે તેને કાચું ચાવીને, દૂધમાં ઉકાળીને, નવશેકા પાણી સાથે અથવા શાક-દાળમાં ઉમેરીને ખાઈ શકો છો.

ખાસ સાવચેતી: લસણ ખૂબ જ ફાયદાકારક છે, પરંતુ દરરોજ 2-3 કળીથી વધુ તેનું સેવન ન કરવું. વધુ પડતું સેવન બીપી વધુ ઘટાડી શકે છે અથવા પેટમાં બળતરા કરી શકે છે.