હાર્ટ એટેક અને સ્ટ્રોકનું મુખ્ય કારણ એવી બ્લોક થયેલી ધમનીઓના સંકેતો ફક્ત છાતીમાં જ નહીં, પરંતુ તમારા હાથ અને આંગળીઓમાં પણ દેખાઈ શકે છે.

આ લક્ષણો શરીરમાં લોહીના પ્રવાહમાં ઘટાડો થવાને કારણે ઉદ્ભવે છે, જેને અવગણવા ગંભીર સાબિત થઈ શકે છે.

હાથમાં તીવ્ર દુખાવો: કોઈ દેખીતા કારણ વગર એક હાથમાં અચાનક તીવ્ર કે ઊંડો દુખાવો થવો એ લોહીના ગઠ્ઠાનો સંકેત હોઈ શકે છે.

આંગળીઓનો રંગ બદલાવો: જો તમારી આંગળીઓ વારંવાર વાદળી, સફેદ કે જાંબલી રંગની થઈ જાય, તો તે લોહીના નબળા પરિભ્રમણની નિશાની છે.

હાથમાં થાક કે ખેંચાણ: હળવું કામ કરવા છતાં હાથમાં ભારેપણું, થાક કે વારંવાર ખેંચાણ આવવી એ ધમનીઓમાં ચરબી જમા થવાનો સંકેત હોઈ શકે છે.

નબળા નખ: જો તમારા નખ ખૂબ ધીમેથી વધતા હોય, વારંવાર તૂટી જતા હોય અથવા તેનો રંગ બદલાઈ રહ્યો હોય, તો તે પોષણ અને ઓક્સિજનની કમી દર્શાવે છે.

માંસપેશીઓમાં નબળાઈ: હાથની પકડ નબળી પડવી, જલ્દી થાકી જવું અથવા માંસપેશીઓનું કદ ઘટવું એ પણ નબળા રક્ત પ્રવાહનું પરિણામ હોઈ શકે છે.

આ લક્ષણોને સામાન્ય થાક કે નબળાઈ સમજીને અવગણવાની ભૂલ ન કરવી.

ખાસ કરીને નવરાત્રિ જેવા તહેવારોમાં શારીરિક શ્રમ દરમિયાન આવા કોઈ સંકેત જણાય તો વધુ સાવચેત રહો.

જો તમને આમાંથી કોઈ પણ લક્ષણ વારંવાર જણાય, તો તાત્કાલિક ડોક્ટરનો સંપર્ક કરી યોગ્ય નિદાન કરાવવું અત્યંત જરૂરી છે.