હાઈ બ્લડ પ્રેશર એક 'સાયલન્ટ કિલર' છે, જેને નિયંત્રિત કરવા માટે દરરોજ ચાલવું એ સૌથી સરળ અને અસરકારક રીત છે.

નિષ્ણાત અનુસાર, મોટાભાગના પુખ્ત વયના લોકોએ અઠવાડિયામાં ઓછામાં ઓછા 5 દિવસ 30 મિનિટ ઝડપી ચાલવું જોઈએ.

અઠવાડિયામાં કુલ 150 મિનિટની શારીરિક પ્રવૃત્તિ હૃદયના સ્વાસ્થ્ય માટે આદર્શ માનવામાં આવે છે.

ઝડપી ચાલવા છતાં તમે વાતચીત કરી શકતા હોવ તેવી ગતિ (Intensity) બ્લડ પ્રેશર ઘટાડવા માટે શ્રેષ્ઠ છે.

જો એકસાથે 30 મિનિટ ન ચાલી શકાય, તો દિવસમાં 10-15 મિનિટના ટૂંકા સત્રોમાં વિભાજીત કરીને પણ ચાલી શકાય છે.

નિયમિત ચાલવાથી સિસ્ટોલિક બ્લડ પ્રેશરમાં 4 થી 9 mmHg સુધીનો નોંધપાત્ર ઘટાડો જોવા મળી શકે છે.

ચાલવાથી નસોમાં રક્ત પરિભ્રમણ સુધરે છે અને ખરાબ કોલેસ્ટ્રોલ (LDL) ઘટાડવામાં મદદ મળે છે.

આ આદત તણાવ વધારતા હોર્મોન 'કોર્ટિસોલ'નું સ્તર ઘટાડીને માનસિક શાંતિ અને સારી ઊંઘ આપે છે.

લિફ્ટને બદલે સીડીનો ઉપયોગ કરવો અને ભોજન પછી હળવું ચાલવું એ બ્લડ પ્રેશર કંટ્રોલ કરવાની સ્માર્ટ ટિપ્સ છે.

ખૂબ હાઈ બ્લડ પ્રેશર કે હૃદય રોગ ધરાવતા લોકોએ નવી કસરત દિનચર્યા શરૂ કરતા પહેલા ડૉક્ટરની સલાહ લેવી અનિવાર્ય છે.